والله لو انه والد لي ماخليه000في والدي والله مطيع المشيره000(الشغار )
 

قصة هالقصيدة ان ناصر الشغار قالها في عتابه على ولده محمد عندما عصى رايه واطاع راي زوجته وذهب معها عند اهلها وترك ابوه يقول فيها:


يالله ياللي كل حي يراجيــــــــــــه0000ياعالم بالبينه والسريـــــــــــــــــــره

ان ترحم اللي له جنين معاديـــــــه0000ياحيف كيف ابني غدا لي نحيــــره

على رجاك ولا احد غيرك ارجيه0000الدين والدنيا عليك تعبيـــــــــــــره

ابني نزح عني بلاشي مقزيـــــــــه0000ترك هواي وطاع لاريا عشيـــره

غدت به اللي كنها بكرة التيــــــــــه0000لاهايفت له قام يطما زبيــــــــره

نوب يناجيها ونوب تناجيـــــــــــــه0000وعزي لمن زين الوسايد شويــره

شدت على نضو من الزمل تتليــــه0000فوق اشقح يقطع بطانه مريــــــره

ذيب الطراد انجاه حل القضا فيــــه0000مايسنح المركاض يضرب عويره

خاله وابوه مشبحينه باياديـــــــــــــه0000ولولا شبوحه كان ماراح ديــــره

الدرب له مع كل ريع منقيـــــــــــــه0000والبذر ما يخلف نباته بذيــــــــره

لين القبايل كلهم خيلوا فيــــــــــــــــه0000وخيلته اللي كالمهاة الحذيـــــــره

اصايل من فيدنا ماتعب فيـــــــــــــــه0000علط الرقاب يسابقن الذخيـــــره

والله لو انه والد لي ماخليـــــــــــــــــه0000في والدي والله مطيع المشيــره

واتبع هوى نفسه وجي في مراضيــــه0000والعمر صيور الدواير تديـــره

الحر يقضب ماكره مايخليـــــــــــــــه0000يقطع من النيات نفس تديــــــره

حر ومن ماكر حرار مجانيــــــــــــــه0000ياحيف يالولاه عمي البصيـــره



0000سيف العدل0000

0000سيف العدل0000
صح السانك والسان الشاعر ناصر الشغار
وتسلم يمناك ولاهنت يالطيب

صح بدنك يالدلبحي وشكرا لمروووووووووووووووووووووورك

سيف العدل0

بيض الله وجهك اخوي سيف العدل على نقلك لقصيدة الشغار التي تحوي الجزاله والفائدة .
اشكرك مرة اخرى على اختياراتك الموفقة كما اود منك التكرم بتزويدنا بعناوين المراجع التي تحوي هذه الدرر إن كانت موجوده لديك . دمت بخير

صبي التوحيد مشكور على مرورك والله لايهينك وبالنسبه للمراجع ماعندي مراجع معينه والقصايد اللي سبق وان شاركت بها معروفه ولا تحتاج مراجع ولو سألت اي شايب من شيبان عتيبه البدو يعلمك بها0


اخوك00000سيف العدل0000

الله يعطيك العافيه يا سيف العدل ،،،

الله يعطيك العافيه سيف العدل

مشكورين اخوي فهد العطاوي والعصيمي على هالمرور والله يعافيكم0

وتقبلوا تحياتي0000000000000سيف العدل00000000000