ازهم وادور مع العراف ياهل المنتدى للسفير=نبى نسوق الحن لعلها خيرً وخيره
اول كلامي سؤال وعقبها مني سلامً وفير=لعل تلقى صدى في سط سكان الجزيره

انا مع اهل المواقف واللوازم مالعزلي خشير=وانته ليا جيت ارحب بالوجيه السفيره
خالفت سنة نبيك يوم جانا بشيرٍ نذير=لاكن عطني علومك كان لك عينٍ بصيره

استلم

عيبً علينا نزكي النفس و الاجواد ماتخطي المعايير=الرجل ماله خشيرً يا عميلي في ضميره
انته من اي العرب بـ الله قدام الرحا تستدير=و الحمد لله ماحصلت لك فـ القول عيره

الطيب اللي وثق والا الضعيف مامنه فاللازمه خير=افطن رحات الليالي فوق راسك مستديره
انا مع اهل المعرفه ياعميلي معي سيفٍ شطير=وألا انت والله ماعرف لك مع الارض ديره

كبركم الاسم ولا في نضرنا شفتك صغير=ياحول مالك مع العراف يا الشاعر عشيره
وابوك حنا لنا التاريخ يشهد و الاساطير=شف للمعاني وميز فـ الطويله و القصيره