ياسلام الله سلاما على كل الطروق= من هجوساً تحترم كل جزل وتدركه
ودنا نقدح من الزند مع برقا وروق= مانبا اللي فالمواقف يلكلك لكلكه

مرحبا ترحيبةٍ كلها حشمه وذوق= والبحر حوته يبا يلتهم كل اسمكه
انت فوق الارض لكن لد العين فوق=احبك المعنا بعرفك وخصمك يحبكه

البقا باللي يرحب وصاحي للحقوق= ولادرىان الحوت يضوي على كل شبكه
ياعساك اتشرف الربع وحصانك سبوق= والكلام اللي بليا براهين اتركه

الجواهر غاليٍ سعرها في كل سوق=وانت يايوسف علامك تجينا بتنكه
لد عينك فالمخاييل وتشوف البروق=ولا يغرك هرج رجال مافيه بركه

الجواهر فالصناديق والقفل مغلوق= لاتقول انك وكيلا عليه وتملكه
ياجماعه مانبي غير رجالا صدوق= وانت ياعزوز عندك صياح ودربكه

ابك انا ماودي افرسك يالخبل الهطوق= لا تزعلني ثم احط راسك فشركه
ياجماعه من يعلم وسيعين الحلوق= بالكلام الزين قدام تبدا المعركه

انت فيك الشك والريب والقلب أمحروق= وان زعلت اضرب براسك جدار المملكة
والله انك ماتعرف الغروب من الشروق= وعيب لوأقول عزوز شاعر وكمكه