سلامي سلام(ن) يستحق التراحيب = مثل مرحبا يالي ترد السلامي
انا اليوم ضيف(ن) عندكم يالمعازيب = عتيبي من عتابه كبار الاسامي

هلا مرحبا لو كان مانعلم الغيب = تراحيب يدفعها الوفاء للامامي
عتيبي وربعك منبع الجود والطيب=هذاه الكلام اللي عليه الكلامي

بقدملك الفنجال والعود يالذيب = مادام انت بن برقا وقسمك سنامي
مكان القمر فوق النجوم المراقيب = ونور القمر وضاح يجلا الضلامي

مجمّل ولايدخلك شكه ولاريب=انا ماعلي خلاف وانته تمامي
تقوله وانا ادري مار يمكنه يغيب=وش تقول يالشاعر رشيد الزلامي

عقلنا جمال القوم ثم شقت الجيب = وصمنا مع اللى صام وقت الصيامي
لو ان العمى يرمي مثل زيد ويصيب = ماراحت خساره من رصاص الحزامي