محاوره بين شاعر قبيلة العلوج وشاعر قبيلة الاوغاد
 

محاوره بين شاعر قبيلة العلوج وشاعر قبيلة الاوغاد



المبتدي :- بلير
الله لا يجــزاك بالخير يابـــوش .... ورطتنا في حرب صدام ورطـه
عزمتـني تقــول بترول وقـروش .... بس الحقيقة روحتي معك غلطـه

رد بوش :- خلوها ...
يابلير رد العـلم من بوش بن بوش ... الله خلقـنــا للمقـاريـد سـلطـه
وأبـوي عنـده للرجاجيل دنبـوش .... كـم واحـد شلنـا فلوسه ونفطـه

بلير:- :- خلوها :- خلوها
أبـوك والنعمين بس أنت مربوش .... تمـوت بالبتـرول وتحـب شفطـه
صحيح عندك مال وسلاح وجيوش .... مـير أتوقـع لك تدهـور وسقطـه

بوش :- :- خلوها :- خلوها :- خلوها
بابلير كانك خفت يوم احتمى الهوش .... حـرام ماتأخـذ من النفط نقطـه
قبلك ترى شيراك قد راح مكـروش .... شوفـه يصـرح كل يوم بمحطه

بلير :- :- خلوها
وراك ما تعطي لشيـراك عرموش .... تـراه مشغلنـا بشيـله وحـطـه
وليا انتهى موضوعنا نرسل طروش .... ونجمـع المبـلغ من الربع قطـه

بوش :- خلوها ـــ خذ عنـدك
شيراك هـذا عنده الفـكر مغشوش .... فـرط علي في مجلس الأمن فرصه
تدزه روسيا والصيـن ويطـوش .... ومجهـز الفيتـو لتحقيـق شـرطـه

بلير :- :- خلــــــــــــــوها
يابوش أنا مرهق وخايف ومدهوش .... وانت تقول الحرب خدعه وخطـه
أسرآي وأسراك أمتلأ منهم الحوش .... عز الله أنه صابني منـك جلطـه

بوش :- لروح الصـلـيب تكفون خلــــــــوها
ماقلت لك كم فيه إذاعات ودشوش .... لا تكشف المعنى وانا أقول غطـه
وأن قالوا انا علوج واصحابنا جحوش ... ماهمنا الصحاف واللي يحطـه


تقبلو تحياتي


0000سيف العدل000

مشكور على الابيات الرائعة

مرحبا فيك الابجر والابيات رائعه ومرورك عليها اروع منها0

اخوك000سيف العدل000

الحقيقه انها محاوره على معنى بين العلوج .. الله يعطيك العافيه

بس تدري الي ماسك الصفوف منهو ....... معروفين ؟

تقبل تحياتي

ابن فرحان لاهنت على المرور وتقبل تحياتي0