![]() |
قصيده لشايب في ابنه المسجون
بسم الله الرحمن الرحيم
هذه قصيده للشاعر/مفرح بن منيف بن علي الهراني المقاطي الذى يبلغ من العمر ثمانيه وتسعون عاما وكتب هذه القصيده التي تعبر عن معاناته حيث سجن ابنه /محمد مفرح المقاطي في احد سجون الداخليه في المملكه وله سنه ونصف السنه وهذه القصيده موجهه الى صاحب السمو الملكي الامير محمد بن نايف ال سعود بطلب من الله ثم من صاحب السمو العفو عن ابنه وقد ارسلت الى الامير ولم ياتي رد الى الان ياكاتب اكتب لبن نايف ارساله *** مـحـمـد الـلـي مـن تـرجــاه مــا خــاب ليته يشوف العود ويشوف حاله***يصـبح ويمـسـي ضـايـق البال مـكتـاب الطف يامير بعود شارف زواله****تـجـاوز الـتـسـعين بـالـعـمـر بـحـسـاب تذهب هموم العود فاخر لياله****وانـتــه تـنــال الاجــر بـالـعـفـو وتـثـاب اله ولد مسجون تحت العداله****لا نــاهــب مــال ولا قـــاتـــل ارقــــاب وان كان زل ابه الغلط في جهاله****الـعـفـو مـنكـم يـا عـربين الاـنسـاب انت الـذي تقـدر تـوصل احبـاله****اتـحلــهـا لـو كـانـت اثــقــال وصـعــاب حيث السجين اليومه اريف عياله****كـان الـذي مـكيفـه في كل الاطلاب اليا عجز يمشي على المتن شاله****وداه للـمـسـجـد علـى بـــر وآداب ويــالله يا مـعـبـود رب الجـــلاله ****يــا مــنـزل طـــه وغــافــر ولاحــزاب صـخـر لعـبدك مـن زبن ولتجاله****ورســالـتـه تــاصـل ويـفتـح لـهـا بــاب مـلوكنـا روس العـرب والاصـاله***انــصــار حـق وضــد مــن كــان حــراب واللي يجيهـم فـاز وسـتـر بـاله****لاجـل المـواطـن شرعـوا كـل الابـواب والشعب كـل مستلمـله حواله****غيـر الضـمـان الـلي وصـل كـل طـلاب يـالله فــي نـون صـدوق خيالـه ****يسـق الـديـار مسيـل كـل الاشـعـاب حتـى البـدو كـل يـرتـع حــلالـه****فــي كـل فـج كـاثـره فـيه الاعـشــاب والمـاء تـوفـر كـل مـحتـاج نـاله****مـن فـضـل ربي ثـم مـن هيـا الاسباب واحفظ بلدنا مـن رمـوز الجهاله****الـلـــي تــحـلـوا بـالـتطـرف والارهــاب ما نقبل التخريب واللي سعاله***اللي من اقصى الناس واللي من اقراب وختـامها صـلوا صـلاة ابـتهـالـه****علـى مـحـمـد ونهـجوا نهـج الاصـحـاب |
مشكور
والله يعطيك العاافيه ولاهنت على القصة والقصيدة |
الله يفك سجنه
مع التحيه |
مشكور ولاهنت على الموضوع والله يفكه ويرجعه لبوه
|
http://www.3z.cc/sml/30/030.gif
لا هنت اخوي الهراني2007 على نقل القصه والقصيد وصح الله لسان الشايب والله يرجع ابنه له مع التحيه :) |
ابو بجاد الرويس
هضيباني النصيف راجح النفيعي الله يعطيكم العافيه ونسال الله ان يفك سجنه ويرده لبوه ولاهنتو على المرور |
صح لسان الشاعر وإن شاء الله يفك سجن إبنه
|
|
اقتباس:
|
اقتباس:
|
الساعة الآن »07:23 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd