لي شهر وانا انشد الناس من شاف العميد=وكل ما قابلت احد قال انا مدري عنه
مدري اهوه من قريب العرب ولا بعيد=مار نبغا ناخذ العلم والزبده منه

لك شهر تنشد وانا انشدك ماذا تستفيد
مـــــــار جعلك يوم تنشد لحقته بحسنه


وابك انا من لابةٍ تجعل العاصـــــــي يهيد
كان عندك علــــــــــم هاته وبده واعلنه

انشد ابا اعرفك يالله عسى عرفك يفيد=انت شاعر يعجب الناس بيته ولحنه
ويش اسم لابتك ياللي تميدح بالقصيد=بيّن اللابه يابو زيد واسمك بيّنه

عبدربه يوم كل البشــــــر لله عبيد
مــــــار بالله لاتدندن ماحب الدندنه

عزوتي ربعي عتيبه هل الباس الشديد
والنسب مثل الذهب ماتغيّر معــــــدنه