تركي 2000 + بخيت الساني(الحكمه)
 

تركي2000
يامرحبا باللي حظر في حلالن تكرم الضيف==اقولها عن عزوتي واتقدم بالنيابه
بيني وبين بخيت مافيه غيرالرمح والسيف==من عصرابونواس والجاهليه والصحابه

بخيت السناني
دام البقا يالشاعر اللي يحسب للمواقيف==ومن لايحسب للناس ماتحسب حسابه
زال الخطروايامنا التاليه ماهي على الكيف==وانا ادري انك يالمطيري مشكلي عصابه

تركي2000
اللي يجيك بدايه الصيف يرجع تالي الصيف==والناس كلن فوق جسمه تفصله ثيابه
ماني مبادلك التحايا ولاابغالك معاريف==الذيب عن ضرسه يعلمك تال الوقت نابه

بخيت السناني
احسب حساب المقبله لاتشب النار بالليف==تراك في بيتن تلوى الافاعي عندبابه
لك وقت وانت شايل المرجله عن عمده جنيف==لانافعن خنذف ولاكايدن شبابه

تركي2000
بعض الافاعي يابن الاجواد مامنها مخاويف==لنكان ونك ذيب وليامشيت مع الذيابه
لويدري الريفي عن اللي يجي ويروح فالريف==ماحطته سودالليالي على قوس الربابه

بخيت السناني
ايامنا فيها مواقيف ماعنها محاذيف==إتخلي اللي يفهم يشك في زهابه
الله يامقبل عليكم من الغر المراديف==اللي بعدها ينزل السيل من روس الشعابه

تركي2000
انته تغطرف يابن مضحي وكثرت الغطاريف==تمشي معي لكن قلبك يحب الانقلابه


نتمنى ان تنااال المحاورة اعجابكم
وشكرا
اخوكم //عبدالله بن لمعه العجمي

مشكور اخوي العجمي

والله يعطيك العاافيه

ولاهنت على المحاوره

يعطيك العافية يالعجمي

لاهنت ياالعجمي ننتظر جديدك

ليش ماتكتب منقول حفظ للحقوق الادبية
ماترضى احد ياخذ مشاركاتك وتعبك بدون مايكتب منقول

يعطيك الف عافيه اخوي العجمي

تقبل مروري

علامة استفهام
 

أتوقع والله أعلم أن بعض الأبيات مكسورة وغير موزونة إما لخطأ في النقل أو لسبب آخر أرجو إفادتنا بالرد من إدارة المنتدى