سلام الله عليكم ياعتيبه من ولد عباد=نبي شاعر ليا قال الحقايق من مصادرها
ابااقود العتيبي مثل قود الشاة باالميقاد=وابدخل في صفوف عتيبه الهيلا وابنحرها

هلا يامرحبا والليله انتم صيدة المرصاد= وعتيبه من قديم الوقت تسمع غصب اوامرها
ياطيب مطير قامت تلتفت وتقاشر الاسياد = وعتابه فعلها في مطير كل الناس تذكرها

الاليت الزمان اللي مضى ياصاحبي ينعاد=حتى تذّكر فعل مطير دام انك تنكرها
عتيبه تشبه الصحاف يوم انه على بغداد=يقول انه ربحنا المعركه ثم بان خاسرها

انا اهرجك بالتاريخ والجحه عليك وكاد = طردنا مطير ثم ذلت وهجت عن معاورها
ليا صرنا كما بغداد فانتم والله الاكراد = الا واعزرة المطران نمسكها وزنعزرها

تمهل يامحمد والعلوم اللي تقول اجداد=سمعت البيت الاول والمصادر من يعطرها
لاجيت اعدد في شيوخ عتيبه مالهم عداد=انا مااودي انبش مسلمينّ في مقابرها