يامعدي المرقاب خله لمشتاق ....(افتح الصفحة)
 

السلام عليكم ورحمة الله وبركاته أبناء الهيلاء الكرام استفسار بسيط وياليت أحد يجيب الرد مشكورا

لمن هذه القصيدة التي منها البيتين الآتيين:



يامعدي المرقاب خله لمشتاق **** حول وخل معذب القلب يرقا
يالبيت ربي ماخلق حب وفراق **** ولا خلق حبٍ على غير فرقا


واللي يعرف القصيدة كاااااااااااااااملة لايبخل علينا وله الشكررر

مشكور اخوي

والله القصيدة مهب غريبه علي

مشكور على مرورك العبق وبالفعل فالقصيدة ليست غريبة ومعروفة ولكن ننتظر من الأخوان يفيدونا عن قائلها وتكملة القصيدة

البيتين للشاعر محمد الأحمد السديري

ولا أعرف لها تكملة علماً بأن هناك قصيدة أخرى لمحمد السديري موجهه
للشاعر نمر بن صنت قريبه من فكرة هذين البيتين ويقول السديري فيها

يا معدي المرقاب خله لمشطون=حول وخل مولع القلب يرقا
خله لمشطونٍ تزايد به الكون=على عشيرٍ زود الهجر فرقا
كبدي من الغالي بها تسعة اطعون=والعاشره يا نمر بالقلب زرقا
طفلٍ يتل القلب تلٍ بلا هون=يسبا الفؤاد ويسرق الحال سرقا
محدٍ عشق مثلي من الحضر وضعون= شمر وعنازٍ وروقٍ وبرقا
سهرت يوم ان الخلايق ينامون=ويزيد نوحي كل ما ناح ورقا
ياسف لي اللي للهوى ما يعرفون=ويا نمر شلاني من الدمع غرقا

وهذا رد نمر بن صنت الحافي:

عز الله اني شفت برقٍ تخيلون=من خلقتي ماشفت حلياه برقا
ما اجديت عن قلبي يا بو زيد مرهون=وعلى صخيف الكبد وسمٍ معرقا
عينت بصري قبلنا وابن لعبون=اهل القلوب اللي من الود حرقا
وقيس الملوح من هوى البيض مجنون=ينوح مثلك كل ما ناح ورقا
الود قدامك على الناس مسنون=الهيف والقبله،وشامٍ وشرقا
ود[ن]على وضح النقا منه مأمون=وشيخ العرب ما يدرق الحب درقا

مشكور يالعطاوي على ردك الجميل وهل هي مؤكدة للسديري أو لغيره لأنه وصلتني بعض الأخبار التي تقول أنها لشاعر من عتيبة والهدف هو أن نصل لقائل الأبيات والقصيدة كاملة أكرر شكري لك عزيزي وفي انتظار مشاركات أخرى

شكرااااااااااااا
يالعطاوي على التوضيح

لاهنت يابوثنتين على التوضيح ونحن في انتظار القصيدة كاملة ولك الشكر

ماقصرو معك الذيابه جابوها لك

الله يحفظكم لنا ياأغلى أعضاء ومشرفين

في انتظار تكملة القصيدة يالله يالنشاما ....