ياللي مع الايام تنشد عـن الحـال = لحال تلعب به صـدوف الليالـي
هذي هي الايام ماطـاب ماطـال = كلٍ بعـد حلِـه يجيـه الزوالـي
دار الزمان وبدَل الحـال بأحـوال = وانا اشهد ان الوقت مابه عدالـي
حدتني الايام غصبٍ على الجـال = حتى بحالي مشغلتنـي انشغالـي
واليوم انا ياصاحبي فأشهب اللال = واقع حياتـي مابدعـت الخيالـي
رحَال وابقى لآخر العمر رحـال = وعزَي لمن حاله غدا مثل حالـي
مال الزمان ومال حظي معه مـال = غربه وبعد وهم وإفـراق غالـي
ومادام راسي يافتى الجود مـازال = ماينحنـي الا لعزيـز الجـلالـي
حتى ولو اني شرحت الك الإشكال = يبقى مرام النفس صعب المنالـي

عقاب العتيبي قصيدة طيبه
تقبل مروري ياغالي بيض الله وجهك