يا عتيبه طيرابن برمان طار وجـــاب حيــــــه= عقب غــّذيتوه وقــتً فــات من جزل الطعامي
بعد اخذ علم الرمايه رد فينا البندقيــــــــــــــه=ما حفظ معروف والا مار خاف من الملامي

طير بن برمان غاب وعاد في جنبه خويه = للطيور اشكالها وش ترتجيه من الحرامي
العتب للي يعاملهم بطيب ومقدريه = يحسب ان الطيب فالانذال له قدر ومقامي

لو لقينا ختم بين في وجه راع الرديـــــــه= كان ماحتى على شرواه ردينا السلامي
من يجازي راعي الحسنات يالطيب بسيه= ماله الا من يحده حد لدروب المضامي