الهيـــــــــــــلا *** منتدى قبيلة عتيبة

البارحه يا نظـــــــــر عيني سرا فيني
من طارف الأمس ذكرى كنت ناسيها
ذكّرني الوسم بالماضي من اســـنيني
احسبني اطفي جروحي اثري احيهها
مر الصبر قام يطعمني .. ويسقيني
روحي على الهم والهجران طــاويها
عليك كني غــــــرير اصــــفق ايديني
واشوف دونك سهام الجرح وارعيها
اسري مع الهاجس اللي منك يدنيني
اماني الشوق تلعب بي .. واخاويها
عز الله إنـــــه عـــليك الهم طاويني
ودروب صوبك تودي كيف ما مْشيها
يا باشة الغيد من غــيرك سكن عيني
جعل العمى لعين طيفك ينطفي فيها
من قال زين العذارى عـــنك يلهيني
وانت غصون الجمال بصمت تحنيها
يوم العــذارى تزينها الفســــــاتيني
انت الفساتين يا لغالي تحــــــــليها
حبيـــبتي يا نهار ابيض يمــــــنيني
يوم الخلايق تحاصرهــــا ليــــاليها
والله كما الشمس تشرق في شرايني
واليا أشرقت قلت ابيع العمر واشريها