النوم يا عيني على عادته طار =عفت المنام وهاجسي ما دروبه
اسهر واجر الصوت مع كل سمّار =قلبي هواجيس الغرام ارتعوبه
ما غير اهيجن واتسلاء بالاشعار =روح وجسد والحال مني غدوبه
ليل التجافي والمحبة والاقدار =والبعد والفرقاء غدت لي عقوبة
كله سبب من حط له بالحشاء دار =يلوى معاليق الحشاء والتووبه
متغطرسٍ من جملة البيض معطار =بالريح والريحان تقري هبوبه
يذبح بسودٍ مالها سابق إنذار =من ذوبها ذاب الهوى في دروبه
بيني وبينه حب وعهود وأسرار =ما باع فيه أهل الحسد واشتروبه
جئت اتعذر ما يفيدن الاعذار =ثم قلت اتوب ولا حصل عنه توبة
يامر وينهى بالمحبة ويختار =يقطع وياصل نوب ويغيب نوبة
عرّض حياتي للتحدي والاخطار =الله على ما صار يغفر ذنوبه
يا من يبلغ صاحبي شوقي الحار =برسالةٍ مضمونها ما حكوبه
يا هيه يالمزيون يا ظبي الاقفار =حال المولع من عناه الطفوبه
ان كان له عندك معزة ومقدار =رد النظر يا كامل الزين صوبه