هذه القصيده اعجبتني وحبيت انزلها لكم=
=
=
=
=
=
=
هاضني قافٍ سمعته وانا امشي في ا لطريق = وتلني واشتدت الذاكره من تلته
من عليلٍ شاعفه ماشعف راع الحريق = علته واعراضها نسخةٍ من علته
علقه طرد الهوى بالمعاليق تعليق ِ = كل مانام المعافا ونيسه دلته
حالفه شخص ٍ من البيض منسوع الدليق = كل ماشافت وديع السراير فلته
ذكر الشايب شبابه مع الخبر العتيق = وده انه يجحده والملايل ملته
خايف ٍ من كلمة ٍ من عدوٍ ومن صديق = مايبيها تتضح للمراقب خلته
شايب ٍ يدوي به الهم ساعات ويفيق ِ = ولويطول مكابد الياس مااخلف ملته
ويدري ان ارجاع الأيام شي ٍ مايليق = مار عيت حكمته تتفق وجبلته
ويدري ان الموت قافيه والحاسب دقيق = وخايف ٍ من موقف ٍ فيه تكشف ذلته
الهوى مثل البحر كم غدا به من غريق = مثل محسن والخفاجي وقيس وشلته
من ركب تخت المناوي واحاط ابه الغميق = هف به في الهاويه مارجع في حلته
مثل راعي عبرة ٍ سمرت به في المضيق = واقتفته العاصفه في البحر واشتلته
والكثير من الضحايا سقط خلف الزريق = واعدنه موعد ٍ مالقى الا قلته
العذارى عجزن من يردون الوسيق = طرفهن مثل الحسام الصقيلوسلته
كم شقردي ٍ ليا اقفا السلف عيد الرفيق = طامع ٍ يحتل معشوقته واحتلته
واكثرالنسوان فيهن عزوف عن الشقيق = ولويزل الاجنبي يدمح ٍ له زلته
وفيهن اللي كنها زول حصنين يويق = لو يميل ابها الهوى في الوحل ماملته
لا جمال ٍ في الحلايا ولا سد ٍ وثيق = واخسارة كل من دلها وادلته