بين عم وبين ضيف وبين جار وبين خال=بين ربعي لكن افكاري تغيب وتستخير
كل مالدّيت شوفي صوب هامات الجبال=يستدير الكون ثم قامت همومي تستدير
ياهجوس الشاعر اللي كل ماتلقى مجال=لوّحت بسيوفها ثم فرّقت جمع(ن)غفير
ماتحسْب حساب عين(ن)دمعها مايوم سال=غير في جوف الليالي ترقب الثلث الاخير
لاتحسْب حساب طيب ولاتحسْب حساب فال=من تغيب الشمس وهمومي على قلبي تغير
ياوجودي وجد من يبكي على فرقا العيال=لا كبير(ن) يسنده ولا يطيع امره صغير
وياوجودي وجد من عمره دنا يم الزوال=غرّته دنياه والدنيا رحاها مستدير
وياوجودي ياسنين العمر طال الوجد طال=ماتهون المسأله وانا على الوضع الخطير
كل ماهب الهبوب اللي يجيني من شمال=زاد حزني وقلت ياربي عسى بالأمر خير
ياعسى يوم(ن) يجيب الهم يمحيه الوصال=وياعسى وصل(ن) يزيح الهم يذكرني بخير

المشاركة الأصلية كتبت بواسطة شامان الاسعدي (المشاركة 357555) بارك الله فيك

المشاركة الأصلية كتبت بواسطة محمد العبود (المشاركة 357566) لا هنــــــــــــــــــــــــت ...

المشاركة الأصلية كتبت بواسطة السميــــــري (المشاركة 357571) .. لاتحسْب حساب طيب ولاتحسْب حساب فال من تغيب الشمس وهمومي على قلبي تغير ياوجودي وجد من يبكي على فرقا العيال لا كبير(ن) يسنده ولا يطيع امره صغير وياوجودي وجد من عمره دنا يم الزوال غرّته دنياه والدنيا رحاها مستدير وياوجودي ياسنين العمر طال الوجد طال ماتهون المسأله وانا على الوضع الخطير الله الله .. يامخلف الهقاوي .. مبدع وصح لسانك على هذه الفريدة .. الله يعطيك العافية .. أستمتعت بقراءتهاا ..

المشاركة الأصلية كتبت بواسطة ابوبجاد الرويس (المشاركة 358046) مشكور وصح لسانك