لو من لبس ثوب حمر صار مزيون
 

لو من لبس ثوبٍ حمر صار مزيون
معلوم كل يلبسه ياالعنودي
لاشك للمخلوق لون ولك لون
ولونك تعدى الناس ماله حدودي
شوفك يهيض كل خافي ومكنون
وزينك يبيح خافيات السدودي
كم قلب مفتون برجواك مرهون
وكم عاشق لك مات ماله حدودي
وكم واحد زار المرستان مجنون
وباسبابك انت بالحديد محدودي
انت كما الحصبات والعقل موزون
أكمل جميع البيض لولا الصدودي
مامثلك أحد بين الافلاك يمشون
ياسيد كل مورسات الخدودي
يستاهلك شيخٍ له الناس يرجون
وتستاهلينه ياغزال النفودي
آمين في دار السعاده تحفلون
في منزل ماداج فيه الحسودي
القصيده لشاعر المرحوم الامير خالد بن احمد السديري
تقبلوا تحياتي

لا هنت يالدلبحي واختيار موفق
وحنا بإنتظار الجديد منك وبيض الله وجهك

اخوي الحر الاشقر
يعطيك العافيه على مرورك الكريم وتفاعلك المتسمر وآمل ان ماقدمه يحوز على رضا الجميع
وانتظر ماهو جديد وجيد خلال الايام المقبله
تقبل تحياتي

انا اشهد انك عرفت تختار
السدبري شاعر كبير
وله عند اللي يفهم الشعر مقدار
وهذا دليل على ذوقك
وانه ذوق ناس كبار

عبد الاله
مشكور اخوي ويشرفني ويسعدني ان مااقوم بطرحه يحوزعلى رضاك ورضى الجميع
انتظر ماهو جديد وجميل
تقبل تحياتي: