البدايه ذكرت الله عزيز الجلال=الله ألي يعلم الناس واسرارها
ثم بعده ليا جاء لسوالف مجال=انتقي فالسوالف واخذ اخيارها
والليالي طويله من يعد الليال=جعل ربي يكافينا من اشرارها
والعرب عايشه مابين عدل وميال=والعرب تختلف بالوصف وافكارها
وادري ان العلوم الطيبه للرجال=وكل لحيه ترى معروف مقدارها
وادري ان الردى لمعقدين الحبال=طبعهم ماتمنو شغلة(ن)غارها
واعرف الفرق واضح في حرام وحلال=واعرف الناس واعرف كامل اخبارها
الله انه يعز اهل الكرم والدلال=النشاما ترى ماتنطفي نارها
من زبنهم يعزونه ويلقى الكمال=عانهم في يمين الدار ويسارها
من لفاهم يبي يلقى الذرا والظلال=والاجاويد تدرا الناس بذكارها
يكسبون معروف ويكرمون السبال=نعم بالطيبين ونعم بديارها
والمساكين ليته ماوراهم عيال=عن علوم المعزه تقصر اشبارها
ماوراهم حصيل ولا بهم راس مال=كنهم شجرت (ن) ماتثمر اثمارها
يالله انك تديم الستر في كل حال=واغفر اذنوب خلقك وانت غفارها