يامرحبا ترحيب غالي باالقريب والبعيد=عداد همال المزون الي تلوح ابروقها
الليل ياعبدالعزيز انكان لك باسن شديد=ترا لرجال الطيبه تحفظ جميع احقوقها

دام البقا يالشاعر اللي تحكم بيوت القصيد= والناس يانايف تدور مايناسب ذوقها
ان فدتني والا لعلك من بيوتي تستفيد=مير السفينه لا تروح الا ونايف فوقها

ترا الليال ادور مار الله يدبر مايريد=هات المعاني هاتها دوب استوي طاروقها
حنا نفيد الطيبه وانته من الدنيا تفيد=وليا بغيت الغاليه ياصاحبي في سوقها

ترا الرساله من صحيبك جات مع ساع البريد= وعسى يدين الناس يانايف تفك حلوقها
ومادمت شاعر معتبر تلعب ولك رايٍ رشيد= سوق المطيه مع طريق اهل المكارم سوقها

ياصاحبي حنا ترى لن زادت الدنيا نزيد=الله يعز الشجرة اللي ماتموت اعروقها
أمشي على درب السنع والقلب قاسي من حديد=وأعرف غروب الشمس يالشاعر واعرف اشروقها