سلام يالزيزوم يابن السواليط=يامقدم العضيان فأول وتالي
يابدر بن نايف يابن مارق الضيط=منزلك دايم يا أبيض الوجه عالي
يليق فيك المدح من دون تخطيط=كلٍٍٍٍ يقوله مامدحتك لحالي
شيخٍٍ تفك إرقاب لو هي مرابيط=وجدّّّك يفك إمشربكات الحبالي
وإن عودوا للشلف وألا المخابيط=مايضرب الا كل عظمٍ جلالي
يخلي سروج الخيل وأشدة العيط=زيزوم صارومٍ بعيد المدالي
دولة نظام وجيش قدمه مسابيط=كنه على قوات الاتراك والي
بعمهوج لقّط روس الاتراك تلقيط=نعم السلاح ونعم حام التوالي
حمى الجهام اللي وبرها عقاريط=يبيع عمره دونها مايبالي
وإن عودت نخوه وفزعة مسافيط=فزعتكم احلى من حليب المتالي
تاريخكم يامير مافيه تكشيط=منحوت في روس الجبال الطوالي

المشاركة الأصلية كتبت بواسطة ابوبجاد الرويس (المشاركة 354370) مشكور ولاهنت يا خالد على نقل القصيدة وصح لسان الشاعر العصيمي ويستاهل الضيط