يالجذع تعال ابا اعطيك من عندي دروس= لين تصبح مثل سلطان ولاّ احسن منه
وكان ما تفهم تولّم لتقليع الضروس=وهات حبّك والرحى تستدير وتطحنه

الجذع يالفالح اصبح على وجهه عبوس = يوم حكيته وبانت حقيقة معدنه
اتركه واشره على اللي كلامه حد موس = وش تبي بالهاتف اللي طفى لو تشحنه

انت وش جابك هنيّا تحوس الشعر حوس=الله انه يلعن ابليس سبعين لعنه
في ظلام الليل تمشون مطفين الكبوس=ابتلشنا تالي الوقت مع هنّ وهنه

جيت ابا ادوس الملقف من العتبان دوس= لين تخرس في حضوري جميع الالسنه
ابك حنا مجدنا من زمن حرب البسوس= يوم ربعك مجدهم بالغنا والدندنه

انت مثل البنّ الاشقر على النار محموس=مع عتيبه راسك ارخه شويّ وطمّنه
ربعي العتبان للمجد والنوماس روس=وانت عايش في مهانه وذل ومسكنه

ياعرب تال الزمن صار باوضاعه نكوس= لكن الشارب ليا طال حنا نحسنه
يالعتيبي كم وكم بالمقابر من نفوس = والسجين اللي حيا مالقى من يضمنه

استدار الوقت ثمّ صار ممشاه معكوس=واصبحت تزمر علينا مثل هالعيّنه
العروسه كيف ابو زيد صار الها عروس=علمها عندي لكنّ انت ما تدري عنه

الحقايق يالعتيبي مثل نور الشموس =من خلقنا الله ولاقيل معكم هيمنه
العريسه عند ابو زيد تزهى باللبوس= وانت تركض في رضاها وعمرك ترهنه

طيع شوري لا تعنّا واخذ وضع الجلوس=كن من اللي يسمع القول ويطيع احسنه
ربعي العتبان ستر الهنوف العيطموس=وانت غبت وجيت يوم انتهت بعد سنه