صباح الخير يالهيلا صباح الخير يالعتبان=وصباح الخير للي حاضر من قاصي وداني
ان ماجيتكم مع هالصباح إلا وانا طربان=وابا الطارف يجي ياقف ماهو خايف ونعساني

هلا يامرحبا حييت يالشاعر سلوبودان=ويسرح معك مع مبدا الصباح الذيب سرحاني
ليا جيتو وجينا نضرب الميدان ياحميدان= ولاكن الكبيره كان مرت ماتعداني

يدوم الك البقا وانته كفو ياذيب ياسرحان=لاكن اسرح لحالك واضو يارجال وحداني
لياجينا ترانا رمينا دايم على الذرعان=ولوالله ماتعداكم وهي من وسط نيشاني

انا لامن سرحت ولاسريت اكل من الخرفان=ولو نبلعك ياباالفيت ماتشبع جواعاني
سلوبودان في عمان واثره شاله الطوفان=يحذفه فالكويت الصبح ولا دار ابن ثاني

ترى الي يسرح ويضوي هي المعزا وهي الضان=وانا احشمك واقدرك عنها يابليهاني
سلوبودان فالميدان موجآ ممتلن حيتان=يصبحكم يمسيكم ويجعلكم شعب فاني