لـ شاص في قلبي
 

مساء الانوار لجميع ابناء عتيبه
احيانا يحن ويتوجد الشخص على اشياء ليس لها روح
وانا هنا وقعت بهذا الحنين والتوجد على الشاص ...
واليكم هذه القصيده عل وعسى ان تنال اعجابكم

لـ شاص في قلبي محبه وتقدير
من كثر ما احبه ذبحني غرامه
ياما على شانه جمعت الدنانير
وياما على دربه حذفت العمامه
حبه في قلبي فاق حب الغنادير
متربعٍِ فالقلب عالي مقامه
يشوقني من بد كل السيايير
شوق العشيق المبتلي في هيامه
لا اقبل يزم شفاه خلف المغاتير
خطرٍِ على صدري تسطح عظامه
ثوبه قصير ومحتسي للمشاوير
ومشمر الذرعان طيش وصخامه
لونس ثقيل الترس غنى مجارير
ولا ريح بنمره حشيم بكلامه
عليه مطنوخٍِ ولد كنه الزيير
والا كما مانع وريث الزعامه
مانع ابن سلطان نجل المناعير
يامضرب الامثال جاه وقرامه
واليوم ياليل العنا والمقادير
من طاح به حظه غشته الندامه
لاقادر آصله ولا قادر انير
اصبحت مابين الرجاء والملامه
حدوني عن ملكه رخوم الهوامير
اللي خذونا جوف سوق الرخامه
عرق تعب وسنين راحت مخاسير
راحت لقومٍِ ما تخاف انتقامه

تحيااتي للجميع

بدر المقاطعي


صح بدنك ولاهنت ...

مشكور

ولاهنت على القصيدة

وصح لسانكـ

احسنت بارك الله فيك ودي لو تعمقت شوي فا الوصف يعطي جمال للقصيه

وهي جميله وجزله من جزل لاهنت وصح السانك

لاهنت على القصيده والشاص يستاهل من يصرف الدنانير لعيونه

لونس ثقيل الترس غنى مجارير
ـــــــــــــــــــــــــــــــــــ ولا ريح بنمره حشيـم بكلامـه

============================

بدر..صح لسااانك واعتلىى شاانك

جزله وراعيهاا جزل..سجل اعجابي برائعتك..وننتظر المزيد

اخي ابن الدلوح
اشكرك على المرور
لاعدمتك