هلا في منتدى الهيلا هل الوقفات والردات=وحيا الله رجالن تسمع الشعـر وتغنيبـه
ابن رحمه رفيقاً لّي عرفته من زماناً فات=انا مانساه لكن لو نسيني ويش أسويبـه

يدوم ابك البقا ياللي ترحبي عشر مرات=على وضح النقا ونجازي الطيب على طيبه
ابن رحمه رفيقك الاولي ماينكر العشرات=ورجل ينكر العشره قريبات محاظيبه

تجمعنا مواقيف النشاما والديـار اشتـات=وأنا خابرك رجلاً ماقف الأبطـال تحريبـه
بن ادم رحلته تمضي وتقضي بين ود وهات=ولا يدري بعمره لين منه الذيـب يسريبـه

تهرج ياحزام وقارن الابيات بالابيات=وهذي حاله الايام تشريقه وتغريبه
ابي منك السوالف والله اللي يعلم النيات=وعلم في ظميرك طالبك لاعاد تبطي به

عصى فرعون موسى لو عصا موسى من الأيات=ماطاع ألا بعد ماقام مـوج البحـر يومـي بـه
جنود ابليس عند الباب والحارس يعيش سبـات=تبى تدخل وهـو نايـم وتمـرح فـي دواليبـه

مادام انه عصى فرعون لايامن من النكبات=هذا حال الزمان الله يكفي من عواقيبه
جنود ابليس دايم تجزي الحسنات بالسيات=لكن المشكله في الضيف ولا في معازيبه ؟

معاوين الدهر واجد لكن الكارثه بالذات=هو اللي غاية الشيطان تقبلبه وتقفيبـه
تكلمنا عن الواقع ومعنا حجةً وثبـات=وعلماً مايسر العين لا لك به ولالي به

ابوزيد الهلالي يالعصيمي صامل الهدات=بلش له في عرب مايتركون الشك والريبه
من اول فالجحر حيه وهالحينه عشر حيات=ماغير مريحه في الجحر تصبح به وتمسي به

نشدنا وين أبو زيد الهلالي قالوا إنه مـات=وموته غدر والغـدار مايامـن باصاحيبـه
سجدنا لـالله المعبود والضالم سجد لـاللات=يضن الات يوم الحشـر بتحقـق مطاليبـه