قصيدة أم بعد أن وداها ولدها ( دار العجزه )
 

هذي قصيده ام بعد ان وداها ولدها .. للمصحه ( دار العجزه ( ..
او كما يقااال ( دار النسيان(..

اترككم مع القصيده

وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا









إلى كل من والــــــــده مازال حيا يرزق .... أنعم بوجوده بينك واغتنم منه كل غنيمه ...

فوالذي خلقني وخلقك .. ستفتقده اذا ذهب عنك وتركك وحيداً!!!!!

بيض اللة وجهك على القصيدة
تحيااااتي

حسبنا الله ونعم الوكيل

قصيده محزنه ..والله يرزقنا برهم..

لاهنت على طرح القصيده..

موودتي..

بيض الله وجهك على القصيدة
والله يهدي حمـــــــــــــــــدان

][`~*¤!||!¤*~`][بيض الله وجهك والله ان مايوفق حمدان][`~*¤!||!¤*~`][



«®°·.¸.•°°·.¸¸.•°°·.¸.•°®»مع تحيات المشهر«®°·.¸.•°°·.¸¸.•°°·.¸.•°®»

لحرمان الا حرمان الجنه والدنيا رايحه والاجتهاد للاخره بكل شي اللهم لاتجعل الدنيا همنا



بتلقاها ياحمدان في عيالك الله يهديك