يا صاحبي سلطان ما دون الحلوق الاّ اليدين=هذا مثل سايد ومعروف اسمع العلم اسمعه
قدّام لا تنهال فوقك من يسار ومن يمين=قومٍ تشيل رماح وسيوف اسمع العلم اسمعه

لاتقصر يديكم وتبقوا طمعة للطامعين =انته بأبو عرام مكلوف اسمع العلم اسمعه
مابي خلاف اردها لن جات بالجنب المتين =ياللي لحقكم فالزمن خوف اسمع العلم اسمعه

يا ربعنا الجذعان لا يركبكم ابليس اللعين=اللي يغوي كل ملقوف اسمع العلم اسمعه
اجل مدام انّك تحمّل ضربة السيف السنين=يبا يجيك شوي وتشوف اسمع العلم اسمعه

ياربعنا العضيان مانبغى نزيد الدين دين =مدوه لايبلش بمصروف اسمع العلم اسمعه
اثرك تلعبها على قول الرجال بنيتين =لكن عليه صعبه تطوف اسمع العلم اسمعه

مدام انا وايّاك في هالمنتدى متواجدين=مدّ النظر لا ترخي الشوف اسمع العلم اسمعه
حكّم ضميرك واصلح النيّات والدعوى تزين=عسى تعبنا معك مخلوف اسمع العلم اسمعه

من بينا أحسن ليه ننظر في حصيل الصاغرين =اللي تجمٌع قطن مع صوف اسمع العلم اسمه
بالله لاتقعد تقلب معي مثل أبا الحبين =حنا كشفنا الدرب ملفوف اسمع العلم اسمعه

انت إمتكبّر ما تشوف الناس غير بنص عين=تراك يا سلطان مكشوف اسمع العلم اسمعه
انا خصيمك لو يطولنّ الليالي والسنين=والله لتصبح طير منتوف اسمع العلم اسمعه