يا الربع انا كل ما حصلت بن جوباح موجود=الله من كلمةٍ في خاطري تطري عليّه
اقول في خاطري بكره يجيلك يوم موعود=من بعد عيد رمضان وفي ضحى عيد الضحيّه

يا الربع لا شفتو الفالح يغنيها على العود = ماهو بأنا اللي يجاوبها معه بالسمسميه
انا ليا شفت ابن عمي يخم البيض والسود = آقول خلك على هونك ترا الطرقه مديه

المشاركة الأصلية كتبت بواسطة نايف الحميدي (المشاركة 348639) الله الله يالفالح الليله مشالله عليك سيلٍ يهل صح لساااك ولسان ابن جوباح متااابع

امسك حدودك ترى بيني وبينك حدّ محدود=وان كنت عيّه فانا يا صاحبي ماني بعيّه
يبا يجي للمعاني بيننا شعله وبارود=مثل المعارك منوّل في زمان الجاهليه

الشر حاسد وغير الشر عان الخير محسود = مبدا التعامل على حسن النوايا والحميّه
يا الجاهلي لا تعقد الحبل دام الحبل معقود = حله ليا كنت طالب علم وعزومك قويه

يازين شوف الخيال اللي معه براق ورعود=لا كنّ ماله نتيجه لا كثير ولا بليّه
الجود ما يستمّد الاّ من اهل الطيب والجود=يوم الردي طول عمره يجزي الحسنه بسيه