الحمد لله أمطرت غر الامزان=والليله الهيلا لوجه الله سجود
اصدورها من وابل الغيث بستان=وعيونها ترعاه وقلوبها شهود
من السرور افراحها اشكال والوان=والارض مفروشة من الفرحه ورود
ولا ظنتي باقي من احزانها احزان=ما دام ابو خالد مع الجمع موجود
مرحب تراحيب المطر عند عتبان=زود على ترحيبة الشعب الك زود
ترحيبة من قلب ترجامه لسان=ممزوجة مع ريحة المسك والعود
يا مرحبا بسلطان عند ابن سلطان=ترحيبة الها مواثيق وعهود
ماهي جديده عمرها ازمان وازمان=اكتابها ابن احميد وحروفها العود
ايام ما ابن بجاد للدين سلطان=ويمنى لأخو نوره على كل نمرود
جمعهم الرحمن في ساعة ايمان=قبل حدود المملكه تصبح حدود
واللي يقود الحرب في كل ميدان=بذل لامامه كل طاعه و مجهود
انتم اصحاب الدار ما انتم بضيفان=وحنا لكم في ساعة الفزعة جنود
على السعة تشريفكم يا كحيلان=ما انتم ترى في الارض في عيوننا قعود
ياسيدي سلطان يا رمز الأحسان=يا أبو الارامل واليتامى وابو الجود
فتحت قلبك للمساكين بيبان=فتح لك الله من سما الرحمة سدود
ترى كريم النفس بأذن الله معان=لا صار مثلك في سجاياه محمود
ما دام ابو متعب لها صار ربان=وانته ولي العهد وأخوانك عضود
ماهمنا من يعتدي كان من كان=وشرع الله الدستور والسيف محدود