الليل سر الليل ياراع المطيه والشداد= واحسب حسابك فالعلوم ورودها وصدورها
يالفالح ليا جات حزات المواقيف الشداد=الله يبارك في رجالن ماتضيق صدورها

الليل طرّف والمعاني كنّها عنبر وكاد=والصين حاميها على طول الليالي سورها
ترى كلامك يا وسيع المعرفه هذا وكاد=اذيابة الوقت المهوّل وش بقي من سورها

ليا احتسانا واحتزمنا بالبواتير الحداد=ماعاد فيها ياعرب راع العرب وشعورها
بنت الهلالي علموها تلبس ثياب الحداد=وين الوليف اللي على شانه تكد شعورها

اليا احتزمتوا بالسيوف الحدب قلّي ويش عاد=ما تستحلّ الديره اللي عامرين قصورها
بنت الهلالي لو تغيّب شوقها يومين عاد=في صورها المعتاد لو كلٍ يوايقـــــــ صورها