ممكن احد يجيبني
 

بسم الله الرحمن الرحيم


يااخان انا سالت في صفحه الحفله ولا ااحد افادني


سؤالي لو شرهتو علي وصل العطياني من اي قبيله ولماذا لم يشارك الجلاوي في حفله يوسف
ارجو الاجابه

سفير شيبان شكلك خفيف دم



وصل العطياني مقاطي


اما عدم مشاركه الجلاوي في حفل تكريم يوسف
ربما لم يعزم او لم يستطيع الحضور


وغيرررررررررررررره معظم الشعراء لم يشارك
في حفل تركريم يوسف
لماذا سألت عن الجلاوي بالتحديد

الاخ طويق اولا اشكرك على مرورك

ثانيا انا يوم سالت عن وصل كان بيني وبين احد الشباب حق وانت تخبر وابشرك العشا بكره عنده

اما سؤالي عن سلطان وعدم حضوره بالذات اذا تبي تعرف على الخاص نسولف

وش دراني



أنــــــــــــــــــــــــا

طيب ارسل لي كل اللي عندك على الخاص

ولكن مادام ان عندك علم ليه تسأل ؟؟والا تبي تتاكد ؟؟

الله يهديك ياطويق انا قصدي يوم اقل تخبر يعني تخبر المزايد بين الشباب مهوب قصدي انك تدري


اما عن سؤالك يوم اني ادري واسال اظن ايجابتي لك واضحه قلت بينا مزايد العشا على الرجال الحين خفيف الدم ظني انه لاانت


اشكرك بقوه ياطويق

سفير شيبان ..مسيت بالخير ياولد العم ..وصل مقاطي من مدركه تعرف مدركه ورهاط ودير عتيبه الي فالحره .........وبالنسبه لسلطان الجلاوي وعدم حضوره هاذي غريبه المفروض ابو صاهد يكون اول الحاضرين بس يمكن عنده عذر والغايب عذره معه

ربعي عتيبه من العارض ليا الحره........ سقم المعادي ليا جا للعلم مردودي

الله يمسيك بالخير ياولد العم ولايهينك على مرورك ويبيض وجهك ونعم بوصل



والف شكر لك لاكن استغربت عدم حضوره هو وملفي لاكن مثل ماقلت الغايب عذره معه واشكرك جزيل الشكر

ههههههههههههههههههه

ماعليه ياسفير شيبان
ترى فهمي بطئ يمشي عشره مع الخط السريع <<<<<<ايه لان مافالسرعه خير

اخوي سفير مساك الله بالخير وصل العطياني من الحجاز وكان قريب من حفلة يوسف
والدعوة كانت عامة من قبيلة العصمة وتكريمة للشاعر يوسف واعتقد انة لم يدعي احد من الشعار دعوة خاصة بل كانت الدعوة عامة وجميع من سمع بالخبر جاء وتمنينا لو ان سهم عتيبة ( الجلاوي ) كان حاضر يشرفنا والله الكوكب
لاكن تعرف الرياض بعيدة والحفلة ماتحددت الا قبل يومين ورغم كذا ازدحمت الصالة حتي ان الشعار لما شافو الزحمة والجمهو كثير جدا وقفو المحاورات