انا من نجد يجذبني على روس الجبال ابروق=اهم النفس للعلياء وشوف الوقت يحداني
اهيم إمع الزمان وله علي اولي عليه احقوق=وناديته وجاوبني وهو مقفي وعجلا ني
وقلت ابغى الوفاء قال ابتعد مالك بسوقي سوق=زمانك فات يومآ الزمان إيعلق العاني
وقلت ابغاك ترفعني مثل حيآ رفعته فوق=دخيلك لا توا خذني بما سووه جداني
انكان امجادهم دونك تطق اوجيههم بطقوق=ولا ذنبآ جنوه إلا انهم خطلان الأيماني
ونا من دمهم دمي ولي فيهم نسب وعروق=وليا كشرت بنيابك إدورني وتلقاني
تعرف ان الوفاء طبعي ومن طبع الزمان البوق=كسر رمحي وخذ سيفي وحطم صهوة احصاني
ونا رجلآ عتيبي من عتيبه من سلا يل روق=انا ماني بمستغرب زماني لو تحداني

المشاركة الأصلية كتبت بواسطة قبلان (المشاركة 345360) انكان امجادهم دونك تطق اوجيههـم بطقـوق ... ولا ذنبآ جنـوه إلا انهـم خطـلان الأيمانـي الله الله ياعاشق ذوق .. قصيده جزله .. صح لسانك وبيض الله وجهك .. تحياااااااااتي

المشاركة الأصلية كتبت بواسطة سفيرعتيبه (المشاركة 347335) انكان امجادهم دونك تطق اوجيههـم بطقـوق0000 ولا ذنبآ جنـوه إلا انهـم خطـلان الأيمانـي صح لـسانك ياعاشـق ذوق وبيـض الله وجهــك يامـبدع سجل اعجابي الشديد وتقبل تحياتي واحترامي