البـارحه عينـي تراهـا سهيـره=على وليف ً يشرح البـال طاريـه
انـا بديـره والحبيـب بـديـره=وشلون اباصله وشلـون اباجيـه
صارت همومي في ضميري كثيره=واشتلت همه غصب وازريت اوطيه
ياصاحبي سيرتك ماهيـب سيـره=جرحت قلبي ميـر ليتـك تداويـه
دونك دروب ً طايـلات وعسيـره=درب المحبه يتعب اللي مشى فيـه
معاد لي فالوقت عـزم وبصيـره=عذبتني والحـب مانـي بناسيـه
وان قلت خيره قلت ماهيب خيـره=ابعدت عني ليـه يصاحبـي ليـه
بعض العرب ماله صداقه وجيـره=وألي ينـادي لـك ورأ ماتناديـه
الحب يابن الناس ماهـوب عيـره=وانا عشقتك والهوى حظ راعيـه
الحال من بعـدك تراهـا خطيـره=بيني وبينك عهد وشبـك تخليـه
ترا الهـواوي مايحكـم ضميـره=ولأحد ً يلومه يفعل اللـي يسويـه
حتـى ولونـه يبيـح السـريـره=ترى الهواوي قلبه اللـي معنيـه
تـرى ألليالـي دايـره مستديـره=والوقت جعل الله يكافـي بلاويـه
ياطيـر يلـي مايهمـه مطـيـره=ليتـك تجيـب العلـم ولا توديـه
لن شفت خلـي فالليـال الاخيـره=قلـه سـلأم ويسعـد الله ليأليـه
والله من صدوف الليالـي يجيـره=قله تـرى قلبـي تدلـت عراويـه
وقله ترى كـلً يلاقـي مصيـره=ونا أحتريه وباقين فـي حراويـه
الجادل اللي وصفها مـاش غيـره=عديم وصـف ولأش زولً يحاليـه
روحي مع الغالي تراهـا أسيـره=وليا رجع غالـي ومـازال نغليـه

ترى الهواوي مايحكم ضميره= محدٍ يلومه يفعل الي يسويه

صح لسااااااااااااااااااااااااانك