سلم على الهيلا عدد مالقمر غـاب=وعداد ماتكشـح بـروق الخيـالا
من هاجسن عن سكة الشعر ماتاب=ويهيـض لاجـا للتحـدي مجـالا
تجي تجي بالطيـب والا بمشعـاب=وتميل غصب اليـا بغينـا الميـالا
من طيبنا يفخربنا اقراب وجنـاب=وفالضيق ياكم يضرب ابنـا مثـالا
واليوم ياعكفان الاشناب يا اشناب=عزيتو الموقـف جنـوب وشمـالا
والفرحه اللي عمت بكل الاقطـاب=مـن فعلكـم يامحرقيـن الريـالا
وقفتو الحر النداوي علـى البـاب=وباقي متر وينـوش روس الطـوالا
ياعنك ابه قومن لها فعـل تنهـاب=قومـن نهـار الكـون ماتنتـوالا
حلالة الاصعاب فكاكـة انشـاب=ولافـي كلامـي ياجماعـه جـدالا
والظن فيكم ياهل الطيب ماخـاب=ولحدن على الثانـي يحـط اتكـالا
ولامنكم اللي قال خاسر بينسـاب=وسط الدقيقه يرسل اميـة رسـالا
اثنينن او عشرين في نسبته جـاب=ونتيجة التصويـت منكـم خيـالا
راحت رسايلكم كما جول الاسراب=مدري كما سيلن مع الشعب سـالا
ياقوم كفيتـو ياعربيـن الانسـاب=انتم هل الطالات فـي كـل حـالا
احبكم والقلب مـن حبكـم ذاب=ياشجرتـن للعـز فيهـا ظـلالا
والشعر اله قيمه اليا جاء من اسباب=وهـاذي تـرى ليلـه ولافاليـالا

المشاركة الأصلية كتبت بواسطة قبلان (المشاركة 343470) الله الله .. ياسلام عليك يامقبول .. جزله منك ياجزل .. صح لسانك ملايين .. ولاهنت .. تحيااااااااااتي لك

المشاركة الأصلية كتبت بواسطة ابوبجاد الرويس (المشاركة 343483) الله الله راحت رسايلكم كما جول الاسراب مدري كما سيلن مع الشعب سـالا صدقت عزالله صح لسانك يابن مشيب وانت دائما بقصايدك مبدع مع ان القافيه الاخيره صعبه بس قصيدة جـزلـــــــه ولك مني احلى تحيه وتقبل مروري

المشاركة الأصلية كتبت بواسطة مخلف الهقاوي (المشاركة 359217) مقبول..رائعه..جزله..ابدعت في صياغتها رغم قافيتها الصعبه صح لسانك ولاهنت..