القارئ: خالد العتيبي
 

بسم الله الرحمن الرحيم ..
السلام عليكم ورحمة الله وبركاته ,,,
أحد أأمة المساجد في الرياض طلبت منه جميع التسجيلات الإسلامية تسجيل أشرطة لكنه رفض رفضا باتا .. ويرفض التسجيل لأي كان .. ولكن عندنا مافيه شئ اسمه "يرفض" فإذا ما ساهم مع عيال عمه في إنجاح منتداهم أجل وش الفايدة !!!؟
فأنا حاب أنزل له قراءات في المنتدى (وأسبق التسجيلات) لكن يمكن أتأخر عليكم وسبب التأخر هو إصابة القارئ "خالد العتيبي (أبو عمر)" بمرض في حنجرته بعد أن أم المصلين فترة وازدحم عنده المصلون .. وأول مايعافيه الله بنزل له إن شاء الله مقاطع في المنتدى الإسلامي ..

ادعوا لابن عمكم بالشفاء ..
وترقبوا ما وعدتكم إياه ..
والســـــــــلام ,,,

هلا بك اخوي ولد عتيبة وبارك الله في الشيخ خالد العتيبي
والضاهر انة صابتة عين من احد الناس الذين يستمعون لة ونتمني لة الشفاء العاجل
ولو تقدر اخوي تدلة علي شيخ رقية شرعية واسمة الشيخ نوار العصيمي
وهو من المشايخ الذين نفخر بهم وهو يعالج العين والحسد والسحر باذن الله وانسان مشههود لة بالخير

تقبل تحياتي

هلا أخوي فيصل ..
والله الظاهر إنها زي ما قلت .. لأن بعض المشائخ شافوه ومنهم بعض طلبة الشيخ "ابن باز" رحمه الله تعالى وقالوا نفس كلامك .. لكن يوم من الأيام في أحد المجالس واجه الشيخ "ابن سلمان" الشايب إلي له مقاطع منتشرة بكثرة في الجوالات وفي النت وهو يطلع الجن وقال له: "إنت ياولدي مصفق بعيون مهب عين وحدة وأحتمال إنك مسحور"
حسبي الله ونعم الوكيل .. العين ومشيناها .. قلنا يمكن واحد من إلي صلوا معه أصابه بعين لأن القارئ ماشاء الله عليه حافظ لكتاب الله سبحانه وتعالى وغير كذا عنده خبرة في "علم المقامات"
فالعين يمكن تمشي ..
لكن السحر..!!!؟ بس ما أقول إلا حسبي الله ونعم الوكيل ..
وكل إلي شافوه من المشائخ شافوه صدفة لأنه كذلك رافض يرقون له الناس
(صارت الدعوة رفض في رفض!!!)
وحياك الله أخوي ذيبان وأنا ماراح أنزل شئ إلا بإذن القارئ ..
والشيخ يوم علموه عن المنتدى فرح وانشرح صدره وقال: "ماشاء الله أثر الربع يدهرون !؟ أبشروا بإلي تبونه" قال واحد من إلي جالسين: "نبي يكون لك إصدارات في المنتدى وتكفى لا تردنا زي التسجيلات"
قال الشيخ: "هذولا تسجيلات وأنتم ربعي" (أنا أشهد إنه شيخ فزعة !!!)
فأشكر لك أخوي الغالي حرصك ..
وترقبوا ما وعدتكم إياه ..
والســـــلام ,,,

جزاك الله خير

"عبيد" وإياك يا ولد العم ..
"عتيبة" لاتنسون القارئ من الدعاء ..
خلوه يرفع اسم القبيلة في الدين والقرآن ..
والســــــــــــــــلام ,,,

الله يشفيه ويعافيه من كل شر ومكروه


اخوي ولد عتيبة اذا الشيخ ما اذن لك بتسجيل تلاوته فمن غير الجائز مخالفة رغبته



ولاهنت والله يعطيك العافية

هلا وغلا بأخوي وولد عمي المبدع *اثلث* ..
مشكوووووووووووووور يالغالي على مرورك ..
وكلامك بخصوص (إذن الشيخ لي) صحيح مية بـــ المية لكن...
اقرأ هذا الإقتباس من مشاركتي:
الله يعطيك العافية أخوي "اثلث" ..
وأشكر لك حرصك ..
والســــــــــــــــــــــــــــلام ,,,

جزاك الله خير

"شيخ الشباب" وإياك ..
ولا تنسى القارئ من الدعاء ..
أخوك/ الرووووووووووووووووووووووقي ,,,