شبيب الزراقي وتركي2000 محاوره قوووووووووووووويه
 

هذه محاوره بين شبيب الزراقي وتركي2000 اتمنى ان تحوز على رضاكم واستحسانكم


تركي الميزاني



الا يا ليل يا ليل يا ليل المسـرات
أنا في خاطري حاجة طرت عليه
قريت الفاتحه في طريقي والتحيات
وجيت أولع النار دام النار حيـه




شبيب الزراقي



ألا يا ليل يا ليل والمطلوب مـا فـات
وش اللي في ضميرك عسى مافيه سيه
أنا من عصر أدورك وأقرى كل الآيات
و أشب النار من شان احط لها ضحيه




تركي الميزاني



أشوفك تشعل النار في جبال السروات
أنا خابرك مكسور في مقلـع طميـه
على شوفتك جينا وقربنا المسافـات
ولا لك غير راس القنـا والنافعيـه




شبيب الزراقي



أشب النار وأزهم لها مثلك لياجات
ولا كسرت ذراعي ولا كسرت يديه
على شانك دفعت البشاير والهديات
مجهزلك صواريخ أبى عطيها هديه




تركي الميزاني



ألا يا طيب المعرفه هيهات هيهـات
عليك العلم مردود في صبح وعشيه
نصحتك لا تعجل ليا جات الملفـات
وصرت اللي يبيع العوافي با لمنيه




شبيب الزراقي



الا يا طرقي اللي تعرض في الممرات
ما عندك معرفه لا كثيـر ولا بليـه
تقول انك تبى تلحق الحيين الأمـوات
لكن الله عرف لك وحطك في يديـه




تركي الميزاني



ليا صار في الدرب لوحه للمطبـات
يبى الله ينكب اللي علي ظهر المطيه
الا يالتايه اللي حياتك في متاهـات
بلاش تشيل رخصه وصورة تابعيه




شبيب الزراقي



الا يا بوش لو صوتولك عشـر مـرات
يبـى ينكبـك بكـره وزيـر الخارجيـه
لا عاد أسمعك تنصب عقالك في المهمات
ليا شفـت الزراريـق دق لهـم تحيـه




تركي الميزاني



ولا يا بلير ما عاد في الدعوه سلامات
حرام انك لتاصـل وزيـر الداخليـه
عساك تكون غانم وسالم كل الأوقات
وتصبح للزراريق عمده في الحويـه




شبيب الزراقي



يباتون المخاليق والمجنون ما بـات
يجر الصوت بين المراعي والرعيـه
أن جاء وقت المواجيب خادم للقرابات
وأقول أن كان زعلان راسك والرصيه




تركي الميزاني



ترى ماهي بروحات في الدنيا وجيات
تروح من قضيه وترجع في قضيـه
صحيح انك كفو مير قلبك فيه نيـات
ولا يخاف على الناس ابوعشرين نيه




شبيب الزراقي



ما عاد أقبلك لو قلت صلحت العلاقات
يا كود أنك تحضر كفيليـن وسويـه

مشكوور ومحاورة قويه ...

....... شاعر الوطن .......

ولا يا بلير ما عاد في الدعوه سلامات
حرام انك لتاصـل وزيـر الداخليـه
عساك تكون غانم وسالم كل الأوقات
وتصبح للزراريق عمده في الحويـه

.................................................. ..

ذيب الشمري تسلم على مرورك العطر لاكن شاعر الوطن كثر منها وانا اخوك لانك لو رجعت لعقلك وتركت العصبيه الجاهليه بتعرف ان خلف بن هذال لاينافس على مسمى شاعر الوطن والله يعطيك العافيه مره ثانيه

	الا يا بوش لو صوتولك عشـر مـرات يبـى ينكبـك بكـره وزيـر الخارجيـه لا عاد أسمعك تنصب عقالك في المهمات ليا شفـت الزراريـق دق لهـم تحيـه

أبشر طال عمرك ....

وخلف بن هذال من كبار الشعراء ونعم فيه ...


أستلم ...

ولا يا بلير ما عاد في الدعوه سلامات
حرام انك لتاصـل وزيـر الداخليـه
عساك تكون غانم وسالم كل الأوقات
وتصبح للزراريق عمده في الحويـه

................................................

صح......... كذا ياذيب تكسب احترام الجميع فالمنتدى

اقول ورااااااااك ياخوي ماسك على البيتين ذيه وش بلاك

لاكن استلم

	الا يا بوش لو صوتولك عشـر مـرات يبـى ينكبـك بكـره وزيـر الخارجيـه لا عاد أسمعك تنصب عقالك في المهمات ليا شفـت الزراريـق دق لهـم تحيـه

إبراهيم .............

ابي اغير البيت طلع مثله والله اني غبي ...


استلم يابعدهم ......

شبيب الزراقي



أشب النار وأزهم لها مثلك لياجات
ولا كسرت ذراعي ولا كسرت يديه
على شانك دفعت البشاير والهديات
مجهزلك صواريخ أبى عطيها هديه

وابيك اتكلم ...

تقبل تحياتي طال عمرك ..........

لاهالحين مانقدر نتكلم بس ماني مخليك تسريبها

استلم

	الا يا طرقي اللي تعرض في الممرات ما عندك معرفه لا كثيـر ولا بليـه تقول انك تبى تلحق الحيين الأمـوات لكن الله عرف لك وحطك في يديـه

خلصت المحاورة
مستعد اجيب بيوت من عندي ..

بس راح نسوي محاورة جديده ..وماكو داعي ..

على شان عيونك ابي اسريبها ..


.............................................

مشكور اخوي ابراهيم

ولاهنت على المحاوره الرائعه

الله لايهينك يابو بجاد ويعطيك العافيه على مرورك