وين انت يا قبلان بداع القصيد=عطني علومك دقها مع جلها
لا تبدع الاشعار ماعندك رصيد=وان طويت الصفحه عليك اتفلها

الله يدبر يامساعد مايريد = وإعلومنا صعبه وكايد حلها
انا احمد الله شاعرن قلبي حديد = سل السيوف وصاحبك بيسلها

الملعبه قدام والكايد يكيد=واللي يريد الطيبه ياصلها
اسل سيفي يوم للضربات اجيد=وان جاتك الضربات وش تعمل لها

هذا هو الميدان كانك تستفيد = والطيبه تّعرف عساك إدلها
سيفك بدون إنصاب من قطعة جريد = ياعنك منته صايرن عشقٍ لها

ادلها وادل ابوها واستفيد=يالشجره اللي قام يقصر ضلها
سيفي يشق العضم مع حبل الوريد=والسالفه مانته بعارف حلها

يا الاد عاضي شبلكم شكله بليد = شجره وفيها داب لايقرب لها
إن كان تبغى الصدق والعلم المفيد = عمهوج خله والبيارق خلها