ياسلام الله عليكم هل الراي السديد=والعلوم الطيبه حظ منهو قالها
ما دخلت المنتدى غير رجل ابغى استفيد=جعل حظي مع رجال وسيع بالها

ياسلام الله عليكم هل الراي السديد=والعلوم الطيبه حظ منهو قالها
ما دخلت المنتدى غير رجل ابغى استفيد=جعل حظي مع رجال وسيع بالها

ياهلا يامرحبا بالقريب وبالبعيد=دلتك لن سقتها شاربٍ فنجالها
ابشر ابشر والسعد فالبنوك أم الرصيد=لن بغيت اجنيهها وان بغيت اريالها

البقى ثم البقى فيك يا عبدالمجيد=دلتي فنجالها في فم الي جالها
انتبه رجلك لاتمشي على حام الحديد=ثم تبرك بالحموله بعد تشتالها

لا تكب التمر ياذيب وتجيب الربيد=العقد ياصاحبي جالها حلالها
نعرف اهل الراي واللي معه صوكة عبيد=الثقيله مالها الا ظهور اجمالها

والله اني مانويتك هذا العلم الأكيد=مير طحت وطيحتك يافتى يرثالها
يالحليفي وش تبا يالحليفي وش تريد=المعاني فوق راسك رميت جزالها