مرة الكاس
 

ابد بذكر اللي خلق عدة اجناس
الواحد العلام ما تخفي نفوس
اللي رفع سبع(ن)علو(ن)بلا ساس
يفرج لقلب من عنا الوقت منحوس
يا صاحبي والفكر حاير ومنحاس
والعقل من زود التفاكير محموس
زادت همومي واذبح القلب هوجاس
والنوم من عقب السهر صار محبوس
لا قمت اصبر قلبي واقول لا باس
وانا اتنهت والفكر منك محيوس
انتي نتايج خلط لولو والماس
وانتي خلاصة شى حسي وملموس
فيك المشاعر كلها وفيك الا حساس
وفيك ابتدع وصف(ن)جديد ومحسوس
لا من هرجتي صابني منك وسواس
والمبسم اللي منه اليوم ملحوس
ولا الجبين اللي كما حمر الاطعاس
ولا ميول الحاجب اللي كما القوس
من عقبها قمت اضرب اخماس بأسداس
ومن عقبها حالي ترى اليوم منكوس
حبك وضعني مرحلة عجز والياس
من حب زين(ن)حبه اليوم ميؤوس
عذبتني واسقيتني مرة الكاس
واتعبتني واتعبت قلبي بهاجوس

صح لسانك

ولاهنت على القصيدة

..

صح لسانك يالثقيل ..

وننتظر جديدك ..

.

الله لا يهينكم على المرور وشكرا على التشجيع
واللي ما يعرف يكتب بسببكم يكتب