ســلام مـنـي عــد مايـطـلـع الـنــور=واعـداد ماتمطـر مـن الغـيـث غيـمـه
سـلام مـن شـاعـر محـنـك ودكـتـور=دكتـور فـي بـدع اللـحـن والوسيـمـه
بابور فكري يطـرب امـواج وبحـور=ويزفـنـي بـيــن الـبـحـور الطمـيـمـة
يابـن فهـد يامحكـم الــراي والـشـور=حكيـم مـن روس الرجـال الحكيـمـة
عبدالعـزيـز بطـيـب الفـعـل مـذكـور=الكـل يـدعـي لــه عـسـى الله يديـمـه
عد الروى يصلونـه ورود وصـدور=يـروي الكبـود الضاميـات المحيـمـة
له مع رجـال المعرفـة والكـرم دور=الاصـل طـيـب والمـواقـف عظيـمـة
يامير انا في مهجتـي قصـر معمـور=مـن دونـكـم مـاشـوف للعـمـر قيـمـه
واخلاصنا من ماضي الوقت مخبور=مخبور من ماضي العصور القديمـه
ياميـر انـا مـن فعـل الانـذال مقهـور=تحريفـهـم للـقـول احـســه جـريـمـه
سمعـت بيـن الاجهـزه عـلـم منـكـور=مايفعـلـه مــن فـيـه غـيــرة وشـيـمـة
محرفيـن الصـدق بالكـذب والــزور=اهــل الحـكـايـا والـحـقـد والنمـيـمـة
يقلون شوفوا واسمعوا قـول مستـور=وهــي عـلـي مــن الظـلايـم ظليـمـه
احلف وانا ماني على الحلف مجبور=انــي لـكـم مـخـلـص بـنـيـه سلـيـمـه
ياعـل مـن خلفـك فـي جـنـة الـحـور=فــي جـنـة الـفـردوس ينـعـم نعيـمـه