قامت دمـوع العين تذرف من العين = يوم أنـهم قالـوا توفى (سفيّر )
من الخبر دمي وقف في الشـرايين = ومن شدة الموقف وقفت متحّير
المـوت درب فوقه الناس ماشــين = ليا وصـلك المـوت وقتـك معيّر
ليت الرجال أهل الوفاء دوم باقين = يامـوت وشـبك يم جدي تســيّر
مرحـوم يارمز الرجـال الكـريمين = اللي على الطالة كبير وصغيّر
ومرحـوم ياذخر الرجال السلاطين = منزالـهم بين العــرب ماتغـيّر
دايـــم وبيـتـــــه مـدهل للقــريبـين = اللي يبى حاجات واللي مسيّر
يبكـــونه الأقــراب واللـي بعيـدين = كان أبدوي معهم يشـد ويسـيّر
ويبكــونه القناص وأهــل النياشين = الصــيد من يمـه يجيــهم مذيّر
ويبكــونه الشعار وأهــل الدواوين = لا صار للميقاف والصف ديّر
وحنـا على فـرقـاه نبـقى حــزينيـن = محبته في القلــب شـيك مجيّر
عســــــــاه للجـنة وفي دار عليـن = بين الفضــايل والنعــيم يتخيّر
وصلوا على المختار عد المصلين = اللي دعى للدين وللدرب نيّـر

المشاركة الأصلية كتبت بواسطة مرزوق العتيبي (المشاركة 340646) ... . عظم الله اجرك يالعارف رحم الله جدك واسكنه فسيح جناته .. . قصيده معبره ومؤثره .... .. عساه للجنـة وفـي دار عليـن بين الفضايـل والنعيـم يتخيّـر وصلوا على المختار عد المصلين اللي دعى للديـن وللـدرب نيّـر .. آآآآآآآآآآآمين واللهم اصلي وسلم على نبينا محمد ... ..