يامرحبا ترحيبتن مثل الدوا يبري الجروح=ترضابها الشعار ولاجعل ماترضابها
الليل يالغربي سراخلك مكانك لاتروح=النار من شبابها والخيل من ركابها

دام البقا من هاجسٍ ماهوب يانايف شحوح= تقرابها العراف والجهال ماتقرابها
الليل يانايف سرا والهيل بدلاله يفوح=واللي تباها ياوسيع العرف فانت ادرابها

الله يبارك فالبروق الي من المنشا تلوح=احسب حسابك كل حاجه حاسبين احسابها
الليل توه ماسرا والجد اخير امن المزوح=تراالمواقيف الصعيبه عارفين اصحابها

الله يبارك فى الحمام اللي على اغصانه ينوح=بعض الحوايج ياوسيع المعرفه ما اشقابها
انته طموح وفي زمانك وش نهاية هالطموح؟=بعض القصايد ماتنومس راس من غنابها

يالله عساكم تكسبون الطيبه ياقوم نوح=ياربعنا يالي عسا مايختلف هندابها
اناطموحي عاليه وانته بسرك لاتبوح =شرهت علومك كلها في لحيتك وشنابها

الطيبه من حظ اهلها واضحه كل الوضوح=وانت الك ساعه بندقك مشتالها بجرابها
ان كان ودك بالحليب ان كان ودك بالصبوح=انته معك بلوى لكنك هقوتي تبلابها