قيلت بالشيخ ابن قشعان
 

مبداي بالله هو رجـا مـن تشكّـا
مـده ولا مـن اليديـن الصكاكـا
وبعده بدا بالقـاف فكـري وشكّـا
في صفح مصقول الصحايف عطاكا
من ريهجانٍ بالحشـا مـا يصكّـا
ولفظه كما صب الذهـب بالسباكـا
وياراكـب جيـب جديـد المتـكّـا
آخر موديـلات الخليجـي نصاكـا
من دار حاتـم منتـوي درب مكّـا
واليا وصل ساجر تنهـض وجاكـا
يا دار من بالكـون خصمـه يدكّـا
بساعـةٍ فيهـا المحـارم تبـاكـا
دارٍ لابـن قشعـان مافيـه شكّـا
ليث هصـور وباللقـا لـه عراكـا
يا شبـه حـرٍ ماكـره راس ركّـا
يـوم الهـداد مجربيـن معـداكـا
مـن لابـةٍ دروعهـا مـا تفـكّـا
ضاقت حلقهـا بالعضـود السماكـا
السابغـات بنسـج تـبّـع ودكّــا
بساعـةٍ فيهـا المحـارم تبـاكـا
ما دام من غـال المعـادن تسكّـا
كالفرقديـن اللـي بعالـي سماكـا
يوم المزايـن شعلكـم مـا تضكّـا
فرقه عـن الأذواد يـروي ضماكـا
دلـت تـرزّم لـو بعقلـه تـوكّـا
تشـدى لـك الله شاربيـن البلاكـا
جت بالمنصه يـوم صـار المحكّـا
واليـا ندبتـه مـا تخيـب رجاكـا
الشعل ما مثله خذى اليـوم صكّـا
غصبٍ على أهل الكيف وأهل الجراكا
تسوى أهل الشمبل وسكـان عكّـا
واللي ورى باريـس ديـرة شراكـا
صكـوا عليهـا محتميـن المدكّـا
أولاد روق اللـي عزاهـا عزاكـا
وصلوا على اللي ما بشرعه تلكّـا
صفوة قريش اللي أمـر بالسواكـا
مبارك الشوباش الشمري

حياك الله يامبارك الشمري
في منتدى عتيبيه الهيلا
وصح السانك على هذه الرائعه


وابن قشعان يستاهل هذه الرائعه
ولك مودتي

مشكور على القصيدة الجزله ولاهنت

وصح لسانك