ياسلام الله سلامن والبقا=في محلن من خصالن مستوي
في محلّ اهل الكرم كمل السقا=في محلن منحفى مايرتوي
بعد جيت المنتدى فيه اللقا=أبعبّر والكتيّب منطوي
أحمد الله كوني خير الاصدقا=ومتجنّب الطريق الملتوي
كان صيتي من ضفاها مارقا=مارواها الشّاعر اللي روي
كلّها من فعل فعلي من حقا=ماخذيت من السفير ولا الخوي
مانويت العذره اللي في طقا=في طقا عضد الطقا عضد القوي
جيتها وانا على وضح النقا=جيتها ذيب(ن) كما يعوي عوي
والختامي كان مدري وش بقا=وش بقا فالبيت مالا يحتوي
ماجبي في مطلبي بالملتقا=قلتها وانا ابدوي ولد ابدوي