يياجاعه تفكون بينولي الخلل في القصيده ان وجد
 

ارجو عدم المجامله تبيين الخلل



ياسلامي عدد ماتطلع الشمس وتغيـب****واعداد ماتمطررشاش المخيلــــه
على اصحابن لهم فالضلوع المحاديب****قدر ومعزه وعلومن جزيــــــــــله
يابو فهيدان ارجوك وصل مكاتيـــــــب****وصل مكاتيبي ياراع الطويلــــــــه
وصلها لسعدون لاناشك العيــــــــــــب****وصلها لابن عمي بأيت وسيــــــله
ياصاحبي سعدون وش جاك يالذيـــــب**** عطني علومك دقها والجليلــــــــه
ماتشرف بعرفتي هذه امرن غريـــــب****وش جاك مني ياخيال الكحيلــــــــه
انا ابراهيم ابن صهد منبع الطيــــــــب****وابوي ابن فالح كساب الجميلــــه
وربعي ذوي عوصه مكملت المواجيب****ومنين ماجانا الخطر نرتكيلــــــــه
نرقى ونعدي فوق روس المراقيــــــب****والطيب لو في قمة طويق انعنيلـه
وراك سبيتني وغثربت المشاريـــــــب****وجرحتني جرحن مايداوى صميله
وجروح قلبي وشلون اليوم بتطيــــــب****مادامها جات من عيال القبيلــــــه

سلطان بن جهجاه



حياك الله


شفتك تنخا وجيت اعدي


اول شي وانا اخوك هنا قسم محاوره .. المفروض نزلت محاولتك في قسم الشعر وطلبت المشاوره..


على العموم .. من وجهة نظري القصيده مكسره كلها مالها وزن معين ولابحر معروف

تحتاج إعادة النظر من البدايه واختيار بحر معروف مع مراعاة الوزن من حيث تستطيع ان تغنيها بلحن معين او اكثر بدون تكلف ..

هذي وجهة نظري ولك خالص ودي وتقديري ياسلطان.


مودتي لك