الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   سلطان المنصوري ,, ووصل العطياني (http://www.otaibah.net/m/showthread.php?t=38457)

عبد الله الحليفي 05-May-2007 09:15 PM
سلطان المنصوري ,, ووصل العطياني
 
محاوره جرت على الشبكه العنكبوتيه بين كلا من الشاعر/سلطان المنصوري الثبيتي والشاعر/وصل العطياني المقاطي وكانت محاوره في غاية الجزاله لذلك احببت ان اطلعكم عليها


سـلــطــان الـمـنــصــوري

سلامي سلام بعيـد عـن كـل منقـود=على السبـل الاول والسلـوم القديمـة
متـى يالعطيانـي تذعـذلـك الـنـود=ويركب شدادك من على وسـق ريمـة

وصــــــل الـعـطـيــانــي

هلا مرحبا يا راعـي الطيـب والجـود=علـى سلـم اهلنـا والسوايـر مقيمـة
ما دام الذهب فالسوق والسلـم موجـود=تجيـك الغنيمـة لا تبـاطـا الغنيـمـة

سـلــطــان الـمـنــصــوري

على غير خوة وصـل مانـي بمحـدود=يازين الغريم اليا وقـف مـع غريمـه
ترى السالفة ياوصـل شعلـة وبـارود=اعلمـك دام ارنبـك وسـط الهشيمـة

وصــــــل الـعـطـيــانــي

يا سلطان وش حصلت من ورثةالعـود=ليا مـا ورثـت العـود هـذي ظليمـة
لا من الدعاوي عـودت قدحـة زنـود=تفرج واسوي فـي الاعـادي جريمـة

سـلــطــان الـمـنــصــوري

من العود ميراثـي رصاصـة وعبـرود=تخلي صليب الـراس يضـرب خريمـة
نهار القيامـة ياوصـل يـوم مشهـود=يضيـع عزومـك ياقـوي العزيـمـة

وصــــــل الـعـطـيــانــي

رصاصة ما تمري فالعدى ما بهـا فـود=حسافة على اللي شالهـا فـي بريمـه
ليا قامت الساعة ما قـد جـت بمولـود=تحاسب وتنشـد ليـش ماتـت عقيمـة

سـلــطــان الـمـنــصــوري

رصاصي يغـث كبـود ويعالـج كبـود=وصكـات بقعـاء عاقبتهـا وخيـمـة
غضب ربنا واضح على اصحاب الاخدود=ولاعـاد ودي يعقـب السيـل ديـمـة

وصــــــل الـعـطـيــانــي

تعرف اني افـرح واطلـب الله فالـزود=عسا الله يزيدك مـا نبـا لـك حريمـة
لكنه محـلّ شعيـل مـا سـدّ مفـرود=لـو انـه يعشـى كـل ليلـة وليـمـة

أبو نجر النفيعي 05-May-2007 09:20 PM
..
.
محاوره جزله .. واستمتعنا في قرائتها ..
وصحة السنتهم ...

وبيض الله وجهك يا عبدالله ..

.

حمد بن جوباح 05-May-2007 09:29 PM
.
..

محاورة جزله وشعراء فتل ونقض من الدرجة الأولى

صحت ألسنتهم وبيض الله وجهك يا عبدالله على النقل المميز

ودمت بخير

:)

.
.
.










تحياتي لكـ ،،

ابوبجاد الرويس 05-May-2007 10:20 PM
مشكور عبدالله الحليفي ولاهنت

ومشكور ايضا على النقل الرائع

عبد الله الحليفي 06-May-2007 08:57 PM
ابو نجر

ابن جوباح

ابو بجاد

مشكورين وأسعدني مروركم

سلطان المنصوري 08-May-2007 01:55 AM
ابو فهد



لا هنت

عبد الله الحليفي 10-May-2007 03:19 PM
ولا تهون يابو هياف

فيصل الحويماني 11-May-2007 06:31 AM
محاورة جزله.....


وشعراء فتل ونقض من الدرجة الأولى....


صح لسان لكل من هؤلاء الشعار الكبار.....


وبيض الله وجوههم جميعاااا.....


وبيض الله وجهك يا عبدالله على النقل المميز....


ودمت بخير


الساعة الآن »07:32 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd