مبروك ثم مبروك واعيد وازود=واقولها قدام كل البريه
ازكى التهاني سقتها عطر وورود=تاصل سموك فالقصيده هديه
فرحت نجاحك عندنا مالها احدود=لو جيت اوصٌفها صعيبه عليه
بس الاكيد ان الفرح فيني ايسود= واحٌس به عمٌ الرياض العذيه
جبت الشهاده وانت بالفعل مشهود= شهادةٍ من طيبها جامعيه
الحمد لله جبتها عقب مجهود= ولاهي غريبه يازبون الونيه
ايه انت يامحمد لك المدح مقصود=تنصاع لك جزل البيوت القويه
ياكاسب الامداح ياريحة العود= يلي يمينك بالمكارم نديه
تعطي ومدك طول الايام في زود=ومثلك يمد ومدته حاتميه
ووقت الشجاعه كنك السيف مجرود=لك وقفتٍ وقت الشدايد جريه
سيفٍ على الاخصام مشهر ومحدود=نعم الشجاع الي يصٌد الغزيه
يوم الردي في كل الاوقات مضهود=ولاجاه شده دنها هاشميه
ول انت قدٍ للمهمات وقدود=وتستاهل الفنجال والشاذليه
يانسل سلمان الكرم منبع الجود=زعيم نجد وعزوة الفيصليه
عوق الخصيم وباب الاشرار مسدود=ياقف لهم سلمان صبح وعشيه
درع الوطن في وجه حاسد ونمرود=ثابت سوات طويق كله حميه
لو امدحه ماوفيت لو شي محدود= من كبر قدره كيف اوفٌي شويه
نعجز على مدحه ولايمكن انجود= وتعجز جميع احروفنا الابجديه
وانته ولد سلمان والعز موجود=الله يهنيك الحياه الهنيه
حبيت اباركلك واقدم لك ورود=اورود شعرٍ من ضميري هديه
شاعر واغني كل ماهبت النود=ومانيب راجي من مديحي عطيه
وانكان دارت بين ناشد ومنشود=ترى الحظيظ الي محمد خويه

المشاركة الأصلية كتبت بواسطة مرزوق العتيبي (المشاركة 331312) ... . دائما وانت متميز يانايف قصيده جزله وفي حرٍّ يستاهلها صاحب السمو الملكي الامير محمد بن سلمان هذا الشبل من ذاك الاسد .... نبارك له جميعا التخرج وعقبال اعلى الشهادات ... تثبيت وتستاهل ...

المشاركة الأصلية كتبت بواسطة الشبـــح (المشاركة 331431) صح لسانك يانايف ,, قصيدة جزلة .. ويستاهل الامير ..

المشاركة الأصلية كتبت بواسطة مقعد الدغيلبي (المشاركة 331917) ابن العم نايف الحميدي ابداع ولايستغرب الابداع من اهله يعلم الله انك مبدع دايم وجزل ويحراً يتوهج جزاله 00000000 مذهله يانايف وشامخه بشموخك طال عمرك ويستاهل طويل العمروالف مبروك وعقبال الشهادات العليا دمت ودام حضورك0000000000 تقبل خالص الشكر والتقدير 000000000000