الــــــقــــــاضـــــــي=
الليلـه السلمـان جيتهـم بـدون مقدمـات=واحلا الصدف دايم بلاميعاد والمخرج ملـي
حاضربحاضرياصقرماعادفيـه مجـامـلات=ترى الهدف مرصود بالارصاد والمخرج ملي
صــــقــــر ســـلـــيـــم=
سليم فرسـان القتـال ويكسبـون الاولات=وانته بديت مصفر العداد والمخـرج ملـي
ماني مضريها عل الهيبات في كل الجهـات=الليل بدري والسيوف حـداد والمخرج ملـي
الــــــقــــــاضـــــــي=
خابرك رجل وفالمواقف تكسبون الطايـلات=نعمين ياعنتر ولد شـداد والمخـرج ملـي
يمكن تبات ويمكن انـك يالبقيلـي ماتبـات=العلم اله مصدر واله ميراد والمخرج ملـي
صــــقــــر ســـلـــيـــم=
وانتم بعد نعمين كم منكـم كباتـن طايـرات=على مدارات الفضا رواد والمخـرج ملـي
يازبن انا شايف عليك اليوم بعض ملاحظات=كنك مع الجمهور فالاستاد والمخـرج ملـي
الــــــقــــــاضـــــــي=
وانتم كذالك ياصقر وسط البحر بالباخـرات=اسليم صارو لسفن قيـاد والمخـرج ملـي
املاحظاتك ياصقر كثرت ولادري كيف جات=وانته مكوع تشرب البراد والمخـرج ملـي
صــــقــــر ســـلـــيـــم=
يابن الحلال انته علومك بين ود وبين هات=من بعد طافت يازبن وش عاد والمخرج ملي
يالقاضي اللي ماتجيب الا الهروج الواهيات=ماعاد يلزم معك ملح وزاد والمخـرج ملـي
الــــــقــــــاضـــــــي=
ياللي تشوف المقفيات ولاتشوف المقبـلات=اقف على راس الجبل ثم ناد والمخرج ملي
ياصقر ياللي فاسماء ضمن الطيور الحايمات=شوفتك عندي ثالث الاعياد والمخرج ملـي
صــــقــــر ســـلـــيـــم=
حنا ترانا ماقذفنـا المؤمنـات المحصنـات=ولانهضم حقوق للاجـواد والمخـرج ملـي
اخر كلام الباخره والا الطيـور الجارحـات=اثرك تشعبها بغير شـداد والمخـرج ملـي
الــــــقــــــاضـــــــي=
يانهر دجله ماش فرق ٍ فيك عن نهر الفرات=واللي يعرفك زين اهل بغداد والمخرج ملـي
والله مالومك يالقلوب السارحات الساهيـات=ماتنتبه لو ينشد النشـاد والمخـرج ملـي
صــــقــــر ســـلـــيـــم=
الا على طاري عرب بغداد فيه مناوشـات=كم عندكم واحد من الاكراد والمخرج ملـي
المر علقم يازبن ماهو كمـا سكـر نبـات=سم(ن)سقطري يجرح الاكباد والمخرج ملي
الله واعلم يكثر الغاوين ولا الغاويـات=الحراله في ديرته معواد والمخرج ملـي
اجروحك انته توها والاجروح ٍ مرمسات=منصور ماسما على عباد والمخرج ملي
يابنك ياللي قمت تستورد ماعندك صادرات=وشلون تستورد فلوس جداد والمخرج ملي
اكثر جروحك شاهدت غير الجروح الخافيات=تبي تداوى والدوى مافاد والمخـرج ملـي