اللي نوى يطوي كتاب العلاقه=كتاب العلاقه عندي لازال مفتوح
رافع مكانه بين باقه وباقه=باقات ورد وعطرها دايم يفوح
الله يعلم مانويت أنغلاقه=حتى يحل الموت وأسلم الروح
يامعلمي وشهي فنون الصداقه=ضاف الجناب وصافي القلوب مملوح
يامن عطاه الله فعول ولباقه=ويامن يخلي الصدر بالضيق مشروح
ياكثر ماأقوى بس ماأقوى فراقه=ياعنك مالي في مفارقه مصلوح
واوجودي وجد من جب ساقه=وأضحى مابين معول القوم مطروح
إن صاح في ربعه تزايد حراقه=وإن إنتخى العدوان ماهو بمسموح
على رفيقن صادقن بالرفاقه=عقبه مشاعر خاطري كلها جروح
ياوجد قلبي راحته وإشتياقه=وأحلى ماينظم للمحبين من بوح
عجل ترى ماعاد للصبر طاقه=قد قلت مالي في مفارقك مصلوح

مرزوق العتيبي