بعد صلاة العصر واقرب لي عصــير=عديت في رجم العنأ والطــواري
دارت بي الافكار وأقول واحــــــير=من هاجس ٍفالصدر يأخذ عــباري
الكون ضايق والعرب تدمح الخـــــير=والها نوايا صوب جز الكنــــاري
بعض العواصف خيمة فوق شنصـــير=وحطت على رؤس الرفيعه مواري
ولأجيت ابرق فالملأ ويش بيصـــــــير=الحق ضايع بين بايع وشـــــاري
الخوخ فالرمان مثل الدنانــــــــــــير=والتين والمشمش نبت فالخــباري
ورزقه على جنبين للثور والعــــــــير=واللي تعب للمجد حافي سماري
وايامنا جايات وفيهن دهن ســـــــير=والا اندثر شامان ويأ الســـواري
وقامت نمور البر مثل العصافــــــــير=والها ملاذ ٍصوب هاك المجـــاري
واحرارها بالبوق تضرب مزامـــــــــير=والا تصيد البوم قبل الحــــباري
وصار الرويبض فالبلد كنه الزيـــــــــر=يأخذ مقام القوم بحد الشبــاري
وبعض اللبوس بلونها لون خنزيــــــــر=وكل القطأ ممشاه صاير قمـاري
وحمر النعم قامت توالف هل الكــــــير=وتربأ بدار ملاعبين الهتــــــاري
وفي مجلسي ونيت وأدير تفكـــــــير=وامد شوفي فوق واقصأ يساري
والجو مخلي والبلد فيه من غــــــــــير=حلت نجوم وصار نجمي احــداري
ونوالي المشوار بعيد ٍ من النـــــــــــير=أقرب قريبلي حدود الحــــــــواري
لوكان ذاك الورق يارد على البــــــــير=بئير ٍ قراح ولأ لفحـــــــها ذواري
ومني على المنوال كيف التعابــــــــير=أسمه يحد القاف غصب ٍ إجبــاري
واذكر إلى مريت بالوجه ما اديـــــــــــر=قبل القصير يحط شفل وسفــاري
ولكن فيه رسوم دلال ٍ مناحـــــــــــــــير=والها سمات ٍ طيبه عند جــــــاري
حلوات بالالوان واحلاهن صغـــــــــــــير=في لونهن يازين ذيك الحمــــاري
وانا لهن بالخير ماأمشي بتخديــــــــــر=ادرى على الاجواد من هرج غاري
واليوم فيه باينات المغاتـــــــــــــــــــير=وراع الهواء مجروح ويبراه بـــاري

وصار الرويبض فالبلد كنه الزيـر=يأخذ مقام القـوم بحـد الشبـاري
وبعض اللبوس بلونها لون خنزيـر=وكل القطأ ممشاه صايـر قمـاري