تركي الميزاني وابوزيد الغبيوي ..
 

أنقل لكم هذه المحاورة الرائعه والجميلة بمعناها وهي بين الشاعرين

تركي عطالله الميزاني (( 2000 )) &&&&& أبوزيد الغبيوي &&&


** أبو زيد الغبيوي :

قوم ياتركي واجيب اللي تجيبه ..

وإلعب الطاروق مع عزوة عتيبه ..

والبنادم مايحوش إلا نصيبه ..

مايطير الطير ماكسور الجناح ..........

(( ياصفوف الملاعب يازحول الرجال

عزو الملعبه ويزين موالها ))

(( لو تلفت جنوب ولو تلفت شمال

ماتصفق يمينك غير بشمالها ))

*** تركي 2000 :

كل ليله أقابل عتيبه وأغني ...

وياكثر ماياصل الأجواد مني ...

وأنت يابوزيد رد العلم عني ....

مايطير الطير مكسور الجناح ..............

(( ياصفوف الملاعب ياقروم العيال

هكذا الوقت والدنيا على حالها ))

(( ..... الجمال اللي تشيل الثقال

وأم ظرفين فال الله ولا فالها ))

*** أبو زيد الغبيوي :

من عتيبه يالمطيري شاب راسك ...

مير طعني لاتطول فــــــي حساسك ...

والعتيبي لاوقف فاللــعــب حـاســك ....

مايطير الطير مكسور الجناح...................

(( الجدي في محله مايجيه الزوال

لو قنات الجزيره شوش إرسالها ))

(( عارفين الجمال ولانت ضمن الجمال

أنت تتبع جمالن نعرف أزوالها ))

*** تركي 2000 :

والله إني مالقيت إلا العوافي ..

العرب في ديارها والستر ضافي...

واتمشى وانبسط والجو صافي ...

مايطير الطير مكسور ...............

(( منت ويا السماء والجدي يبن الحلال

وأنت غترتك دوب تسوي إعقالها ))

(( أخر الوقت يابو زيد روح وتعال

وإبن خيمتك فوق وإظبط إظلالها ))

*** أبو زيد الغبيوي :

منت ويا العافيه يابو عطالله ...

فيك من جور الزمن تسعين عله ..

وأبك حنا نعقد الحبل ونحله ...

مايطير الطير ......................

(( عارفين الغروب وعارفين الزوال

دلتك دلتك مشروب فنجالها ))

(( ساكنين القصور اللي تحتها الظلال

واليتيمه عشاها دوب جهالها ))

*** تركي 2000 :

دلتي فنجالها يصعب علاكم ...

عنه يمال الشحم تقصر يداكم ...

إحمد الله قبل لانلعن ثواكم ...


مايطير الطير ......................

(( لاتخيبل ترانا مانحب الخبال

مايعن الكحيله غير خيالها ))

(( وأنت ماجاك غير الفال قبل العقال

والجمل حملته يبرك ويشتالها ))

*** أبو زيد الغبيوي :

البصيص ياتريكي وش جراله ...

نشرب الفنجال ونكب البياله ...

والسلات يروح ويميل عقاله ...

مايطير الطير .......................

(( كيف تجحد عتيبه في قديم الليال

عزوتي عزوتي ماتحصر أفعالها ))

(( ماتخيبلت ياتركي وامشي عدال

والمراجل ماتخضع غير رجالها ))

*** تركي 2000 :

تركي إبن حميد عانه فالمغاره...

والمحيا عان راسه فالزباره ...

غير إبن قشعان وشيوخ الأماره ...

مايطير الطير ............................

(( مالكم فعل معنا في نهار القتال

قدمنا ربعك العتبان يرثالها ))

(( إستحبها على ربعه كريم السبال

ياخي إ ستح على لحيتك وإسبالها ))

*** أبو زيد الغبيوي :

دور الجبريل والجبعاء وغيره ....

والبصيص وين يمان الستيره ...

ياسلاحن مالقيناله ذخيره ....

مايطير الطير ...........................

(( وأبك حنا ترانا مثل صم الجبال

فالجزيره من اللي يجهل إجبالها ))

(( دون ربعي وفي عين المطيري خلال

من لقا حيلتن فالوقت يحتالها ))

*** تركي 2000 :

في علوم الكذب مايلحق مداكم ....

وكذبكم والله إليبطي ماحماكم ....

وأبك حنا منكم إنطلق نساكم ...

مايطير الطير ..........................

(( الله اللي مسلطنا عزيز الجلال

فوقكم والفعول إتعرف فعالها ))

(( سمعتك عندنا والله ماتسوى ريال

مير بعض السوالف مالك ومالها ))

*** أبو زيد العبيوي :

ناصر الشغار وش سوى منول ...

يوم جات العبدليه يالمهول .......

سالفه من ماضي الهجره تقول ......

مايطير الطير ...........

(( مانحلل حلال ولا نحرم حلال

والخلايق ماتجزا غير باعمالها ))

(( ترا ذبحة ياصاحبي راس مال

والبنوك الثريه تحفظ أموالها ))

*** تركي 2000 :

ناصر الشغار حنا ذابحينه ...

والشطيطي ماتفاجر من يمينه ...

غير كون الحرمليه والدفينه ....

مايطير الطير .....................

(( وأبك حنا علاكم مثل وبل الخيال

لاتغر العلوم وتاخذ إ هزالها ))

محاوره قويه بين شاعرين مبدعين وصحت السنتهم
لاهنت على النقل

لا هنت يابو خلووووود على على المحاوره القووووويه

والله محاوره ممتازه وصح لسان الغبيوووووووي

ولك من احلى تحيه

هناك خطا في نقل هذا البيت وهو :::
دور الجبريل <<<<<<<الصحيح >>>>>>>>>دور الجبرين وهو شيخ بني عبدله واسمه مبلش بن جبرين

والجبعا >>>>>>>>هو حسين بن مطلق الجبعا الدويش

وين يمان الستيرة<<<<<<<التصحيح>>>>>>>>>وين يامال الستيرة

وحبيت اوضح
ومشكور على المحاورة

..

الله يعطيك العافية .

ولكن الشعراء في هذه المحاورة قد تمادوا وتطاولوا على شيوخ وأمراء قبائل .
نأمل من شعرائنا الابتعاد عن هذا الكلام المثير للنعرات القبلية .

ولكم تحياتي ،،،،،،،،

شـكرا لك على النقل الرائع

لك منـي جـزيل الشـكر , ,

اخــوكـ : محمد العريدي

دمت بخير

تسلم ويسلم ابو زيد عزالله انه شاعر مبدع

صح لسانك يا أبوزيد أشهد انك حشرت تركي